Yobo 31:1-40
31 “Ndo vhofha mulanga na maṱo anga.+
Ndi nga sumbedza hani dzangalelo ḽi songo teaho kha musidzana?*+
2 Ndi mukovhe ufhio une nda ḓo u wana u tshi bva ha Mudzimu,Ndi ifa ḽifhio ḽine nda ḓo ḽi wana ḽi tshi bva ha Ramaanḓaoṱhe wa ṱaḓulu?
3 Naa mutshinyi ho ngo lindelwa nga khomboNaa vhane vha ita zwivhi a vha nga welwi nga khombo?+
4 Naa ha vhoni nḓila dzanga+A vhalela maga anga oṱhe?
5 Naa ndo no vhuya nda tshimbila na vhathu vha u zwifha?
Naa mulenzhe wanga wo gidimela u fhura?+
6 Mudzimu nga a nkale nga tshikalo tsho teaho;+Ndi hone a tshi ḓo ṱhogomela uri ndi a fhulufhedzea.+
7 Arali milenzhe yanga ya pambuwa nḓilani+Kana mbilu yanga ya tevhela maṱo anga+Kana zwanḓa zwanga zwa tshikafhadzwa,
8 Arali zwo ralo mbeu ine nda i zwala nga i ḽiwe nga muṅwe,+Zwine nda ṱavha nga zwi tupulwe.
9 Arali mbilu yanga yo ungeledzwa nga mufumakadzi+Ndi tshi dzula ndo lalela+ muṋangoni wa muhura wanga,
10 Arali zwo ralo mufumakadzi wanga nga a sinḓele muṅwe munna thoro,Vhaṅwe vhanna nga vha ite zwa vhudzekani nae.+
11 Zwenezwo zwi ḓo vha zwi vhuḓifari vhu shonisaho,U ḓo vha u mulandu une nda tea u pfiselwa wone vhuṱungu nga vhahaṱuli+
12 Zwi ḓo vha mulilo une wa fhisa wa fhelisa zwithu zwoṱhe,+Une wa fhisa na midzi ya zwibveledzwa zwanga zwoṱhe.
13 Arali ndi songo haṱula nga nḓila yo teaho mushumeli wanga wa munna kana wa mufumakadziMusi e na mafhungo na nṋe,
14 Ndi nga ita mini musi Mudzimu a tshi ntsengisa?
Ndi nga mu fhindula nda ri mini musi a tshi ntsengisa?+
15 Naa Onoyo o mmbumbaho mbumbeloni a si ene o vha vhumbaho?+
Naa a si Onoyo muthihi we a ri vhumba ri sa athu u bebwa?+
16 Arali ndo hana u ṋea mushai zwine a zwi ṱoḓa+Kana ndo ṱungufhadza tshilikadzi;+
17 Arali ndo ḽa zwiḽiwa zwanga ndi ndoṱheNdi sa zwi kovheli dzitsiwana;+
18 (U bva ndi tshee muswa tsiwana yo aluwa phanḓa hanga zwa tou nga ndi khotsi ayo,U bva ndi tshee muṱuku ndo vha ndi tshi livhisa tshilikadzi.)
19 Arali ndo vhona muthu a tshi khou fa nga phepho a si na zwiambaroKana mushai a si na tsha u fuka;+
20 Arali o vha a songo mphaṱhutshedza+Musi a tshi pfa vhududo ha wuḽu ya nngu dzanga;
21 Arali ndo ṱungedza tsiwana nga vili ḽanga+Musi i tshi ṱoḓa thuso yanga khoroni ya muḓi;+
22 Arali zwo ralo tshanḓa tshanga nga tshi we tshi tshi bva kha shaḓa ḽanga,Tshanḓa tshanga nga tshi vunḓiwe kha lukuḓavhavha.
23 Ngauri ndi ofha khombo i bvaho ha Mudzimu,Ndi nga si kone u ima phanḓa ha vhugala hawe.
24 Arali nda fhulufhela musukuKana nda amba na musuku wavhuḓi nda ri: ‘U mutsireledzi wanga!’+
25 Arali ndi tshi takadzwa nga lupfumo lwanga luhulu+Na ngauri ndo ḓiwanela thundu nnzhi;+
26 Arali ndo vhona ḓuvha* ḽi tshi penyaKana u naka ha ṅwedzi u tshi tshimbila;+
27 Mbilu yanga ya ungeledzwa tshiphirini,Nda khisa tshanḓa tshanga musi ndo zwi gwadamela;+
28 Wonoyo u ḓo vha u mulandu une nda tea u pfiselwa wone vhuṱungu nga vhahaṱuli,Ngauri ndo vha ndi tshi ḓo vha ndo landula Mudzimu wa ngoho wa ṱaḓulu.
29 Naa ndo vhuya nda takala musi swina ḽanga ḽi tshi fheliswa+Kana u takala musi ḽo welwa nga vhuvhi?
30 A tho ngo vhuya nda tendela mulomo wanga u tshi ita tshivhiNga u ita muano wa u humbela vhutshilo haḽo.+
31 Naa vhanna vha denndeni ḽanga a vho ngo amba uri:
‘Ndi nnyi we a si fure nga zwiḽiwa* zwawe?’+
32 A hu na mutsinda we a eḓela nnḓa;+Miṋango yanga ndo i vulela muendi.
33 Naa ndo vhuya nda lingedza u dzumba vhutshinyi hanga, u fana na vhaṅwe vhathu,+Nga u dzumba mulandu wanga tshikwamani tsha tshiambaro tshanga?
34 Naa ndo vhuya nda ofha uri gogo ḽi ḓo ri mini,Kana u ofha u nyadziwa nga miṅwe miṱa,Zwa ita uri ndi fhumule na u ofha u bvela nnḓa?
35 Arali muṅwe o vha a tshi nga nthetshelesa!+
Ndo vha ndi tshi ḓo ṅwala dzina ḽanga kha zwe nda zwi amba.
Ramaanḓaoṱhe nga a mphindule!+
Ngavhe mupomoki wanga a vhe o ṅwala milandu yanga kha luṅwalo!
36 Ndo vha ndi tshi ḓo lu hwala kha shaḓa ḽanga,Ndo vha ndi tshi ḓo lu vhofha kha ṱhoho u fana na khare.
37 Ndo vha ndi tshi ḓo mu vhalela ḽiga ḽiṅwe na ḽiṅwe ḽe nda ḽi tshimbila;Ndo vha ndi tshi ḓo amba nae ndi sa ofhi, u fana na mukololo.
38 Arali tsimu yanga ya nṱavhela mukosiNa migero yayo yo vha i tshi ḓo lila;
39 Arali ndo ḽa mitshelo yayo ndi songo badela,+Kana arali ndi vhe ndo ita uri vhaṋe vhayo vha fhulufhuwe;+
40 Nga hu mele mipfa nṱhani ha goroiNga hu mele tsheṋe i nukhaho nṱhani ha baḽi.”
Mafhungo a Yobo a fhelela henefha.
Ṱhaluso dzi re magumoni a siaṱari
^ Sedzani Mutevhe Wa Ṱhalutshedzo Ya Maipfi.
^ Thevhedz., “tshedza.”
^ Thevhedz., “ṋama.”
