Yobo 39:1-30
39 “Naa u a ḓivha tshifhinga tshine mbudzi dza thavha dza dzwala ngatsho?+
Naa wo no vhona ntsa i tshi dzwala vhana vhayo?+
2 Naa u a vhala miṅwedzi u swika dzi tshi dzwala?
Naa u a ḓivha tshifhinga tshine dza dzwala ngatsho?
3 Dzi tshi beba vhana vhadzo dzi a gwadama,Vhuṱungu ha u beba ha fhela.
4 Vhana vhadzo vha a khwaṱha, vha alutshela mudavhini;Vha a ṱuwa, vha si tsha vhuya.
5 Ndi nnyi we a litsha donngi i tshi ḓitshimbilela,+Ndi nnyi we a vhofholola thambo dzo i vhofhaho?
6 Ndo i ṋea soga uri ḽi vhe haya hayoNa shango ḽi re na muṋo uri i dzule khaḽo.
7 I nyadza vilinga ḽi re muḓini;A i pfi mukosi wa ane a khou i khada.
8 I tendeleka dzithavhani, i tshi khou ṱoḓa pfulo,I tshi khou ṱoḓa tshimela tshiṅwe na tshiṅwe tshidala.
9 Naa ṋari i nga tenda u u shumela?+
Naa i nga lala dangani ḽau?
10 Naa u nga vhofha ṋari nga thambo wa i isa kha foro,Kana i nga u tevhela u tshi lima govhani?
11 Naa u nga fhulufhela nungo dzayo khuluWa i litsha i tshi shuma mushumo wau u lemelaho?
12 Naa u nga i fhulufhela uri i vhuye na khaṋo* yau,Naa i nga u kuvhanganyela fhethu hau hune wa fhefherela hone?*
13 Mphwe i ṱongisa phapha dzayo nga dakalo,Fhedzi mathenga ayo naa a nga vhambedzwa na a ḽiovhelwa?+
14 I sia makumba ayo mavuni,Ya ita uri a dudele e buseni.
15 Ya hangwa uri muṅwe mulenzhe u nga a kwashaKana uri phukha i nga a kandekanya.
16 Vhana vhayo a i vha fari zwavhuḓi, zwa tou nga a si vhana vhayo;+A i ofhi uri zwe ya shuma zwi nga vha mahandana.
17 Ngauri Mudzimu ho ngo i ṋea vhuṱaliHo ngo i kovhela ṱhalukanyo.
18 Fhedzi musi i tshi ima i tshi ṱharamudza phapha dzayo,I sea bere na muṋameli wayo.
19 Naa ndi iwe ane wa ṋea bere maanḓa ayo?+
Naa ndi iwe ane wa i ambadza mudzedze wayo mukuloni?
20 Naa u nga ita uri i thamuwe sa nzie?
Mufemo wayo muhulu u a ofhisa.+
21 I pala mavu govhani i tshi takalela maanḓa ayo;+I tshi ya nndwani.+
22 I sea nyofho, a i ofhi tshithu.+
A i shavhi banga.
23 Musi mukhwama wa misevhe u tshi kuḓana nayo,Hu tshi penya pfumo.
24 I tetemela nga dakalo, ya ṱavhanya ya gidimela phanḓa,Musi luṋanga lu tshi lila i a shavha.
25 Musi luṋanga lu tshi lila, i ri: ‘Ahaa!’
I fembedza nndwa i tshi kha ḓi vha kuleYa pfa mukosi wa vhalangammbi na mukosi wa nndwa.+
26 Naa lurwanzhivha lu tshi fhufha ndi nga u ṱalukanya hau,Lu tshi ṱharamudzela phapha dzalwo tshipembe?
27 Kana naa ndi iwe ane wa ṋea goni ndaela ya uri ḽi fhufhe+Tshiṱaha tshaḽo ḽi tshi fhaṱela nṱha,+
28 Ḽi dzula luwani vhusiku,Ḽi dzumbama matomboni mahulu?
29 Ḽi ṱoḓa zwiḽiwa henefho;+Maṱo aḽo a vhona zwa kule.
30 Mafhondo aḽo a nwa malofha;Hune tshitumbu tsha vha hone, na ḽone ḽi henefho.”+
