NGUDO 33
Muvhuso Wa Mudzimu U Ḓo Ita Mini?
Muvhuso wa Mudzimu wo no thoma u vhusa. Hu si kale u ḓo ita tshanduko khulwane kha ḽifhasi. Kha ri haseledze nga ha zwiṅwe zwithu zwavhuḓi zwine ra nga zwi lavhelela musi wonoyo Muvhuso u tshi vho vhusa ḽifhasi ḽoṱhe.
1. Muvhuso wa Mudzimu u ḓo ita hani uri hu vhe na mulalo na uri hu haṱulwe nga nḓila yo teaho kha ḽifhasi?
Yesu ane a vha Khosi ya Muvhuso wa Mudzimu, u ḓo fhelisa vhathu vhavhi na mivhuso nga nndwa ya Haramagedo. (Nzumbululo 16:14, 16) Nga tshenetsho tshifhinga, hu ḓo itea zwithu zwi tevhelaho zwe Bivhili ya zwi fhulufhedzisa: “Hu si kale vhavhi a vha tsha ḓo vha hone.” (Phisalema 37:10) Yesu u ḓo shumisa Muvhuso wa Mudzimu u ita uri fhethu hoṱhe kha ḽifhasi hu vhe na mulalo na uri hu haṱulwe nga nḓila yo teaho.—Vhalani Yesaya 11:4.
2. Vhutshilo vhu ḓo vha hani musi zwine Mudzimu a zwi funa zwi tshi itwa kha ḽifhasi?
Musi Muvhuso wa Mudzimu u tshi vho vhusa, “vho lugaho vha ḓo vha vhaṋe vha ḽifhasi, vha ḓo dzula khaḽo lini na lini.” (Phisalema 37:29) Edzani u humbula ni tshi khou tshila kha ḽifhasi ḽine ḽa vha na vhathu vho lugaho vhane vha funa Yehova na vhane vha funana! A hu na muthu ane a ḓo lwala nahone vhathu vhoṱhe vha ḓo tshila tshoṱhe.
3. Muvhuso wa Mudzimu u ḓo ita mini musi vhathu vhavhi vho no fheliswa?
Musi vhathu vhavhi vho no fheliswa, Yesu u ḓo vhusa sa Khosi lwa miṅwaha ya 1 000. Nga tshenetsho tshifhinga, Yesu na vha 144 000 vhane a ḓo vhusa navho, vha ḓo thusa vhathu kha ḽifhasi uri vha si tsha vha na tshivhi. Mafheleloni a miṅwaha ya 1 000, ḽifhasi ḽoṱhe ḽi ḓo vha pharadiso yo nakaho. Vhathu vhoṱhe vha ḓo vha vho takala ngauri vha ḓo vha vha tshi thetshelesa milayo ya Yehova. Yesu u ḓo humisela Muvhuso kha Yehova ane a vha Khotsi awe. Dzina ḽa Mudzimu ḽi ḓo itwa uri ḽi “vhe ḽikhethwa” u fhira naho hu lini. (Mateo 6:9, 10) Zwi ḓo vha zwo no vhonala uri Yehova ndi Muvhusi wavhuḓi a re na ndavha na vhathu vhawe. Yehova u ḓo fhelisa Saṱhane, madimoni awe na vhathu vhoṱhe vhane vha khetha u shandukela vhuvhusi Hawe. (Nzumbululo 20:7-10) Zwenezwi zwithu zwoṱhe zwine Muvhuso wa Mudzimu wa ḓo zwi ita, zwi ḓo dzula zwi hone u ya ho ya.
GUDANI ZWO ENGEDZEAHO
Vhonani uri ndi ngani ri tshi nga vha na vhungoho ha uri Mudzimu u ḓo shumisa Muvhuso wawe u itela u ita zwoṱhe zwe a ri fhulufhedzisa uri u ḓo ri itela zwone tshifhinga tshi ḓaho.
4. Muvhuso wa Mudzimu u ḓo fhelisa mivhuso ya vhathu
Bivhili i ri: “Muthu a vhusa muṅwe a mu huvhadza.” (Muhuweleli 8:9) Yehova u ḓo shumisa Muvhuso wawe u itela u fhelisa zwithu zwi si zwavhuḓi zwo itiswaho nga nṱhani ha u haṱula nga nḓila i songo teaho.
Vhalani Daniele 2:44 na 2 Vhathesalonika 1:6-8, ni kone u fhindula mbudziso dzi tevhelaho:
-
Yehova na Murwa wawe Yesu, vha ḓo ita mini vhavhusi na vhathu vhane vha tikedza vhenevho vhavhusi?
-
Zwe na zwi guda nga ha Yehova na Yesu zwi ita hani uri ni vhe na vhungoho ha uri vha ḓo haṱula nga nḓila yo teaho?
5. Yesu ndi Khosi ya khwinesa
Samusi Yesu e Khosi ya Muvhuso wa Mudzimu, u ḓo thusa vhathu kha ḽifhasi nga nḓila nnzhi. Ṱalelani VIDIO ni vhone uri Yesu o no ḓi zwi sumbedzisa hani uri u ṱoḓa u thusa vhathu na uri Mudzimu o mu ṋea maanḓa a u zwi ita.
Zwithu zwe Yesu a zwi ita musi e kha ḽifhasi zwo sumbedza zwine Muvhuso wa Mudzimu wa ḓo zwi ita. Kha phaṱhutshedzo dzo ṅwalwaho afho fhasi, ndi dzifhio dze na dzi lavhelela nga maṱo matswuku? Vhalani vese dzi tevhelaho dzine dza ri thusa u guda zwo engedzeaho nga ha dzenedzo phaṱhutshedzo.
|
MUSI YESU E KHA ḼIFHASI . . . |
MUSI YESU E ṰAḒULU . . . |
|---|---|
|
|
|
|
|
|
|
|
6. Muvhuso wa Mudzimu u ḓo ri itela zwithu zwavhuḓisa tshifhingani tshi ḓaho
Muvhuso wa Mudzimu u ḓo ita uri vhathu vha tshile nga nḓila ye Yehova a vha a tshi ṱoḓa uri vha tshile ngayo mathomoni. Vha ḓo tshila tshoṱhe pharadisoni kha ḽifhasi. Ṱalelani VIDIO ni vhone uri Yehova u khou shumisa hani Yesu ane a vha Murwa wawe, u itela u swikelela tshipikwa Tshawe.
Vhalani Phisalema 145:16, ni kone u fhindula mbudziso i tevhelaho:
-
Ni ḓipfa hani nga u ḓivha uri Yehova u ḓo “fusha lutamo lwa tshiṅwe na tshiṅwe tshi tshilaho”?
VHAṄWE VHATHU VHA AMBA URI: “Ri nga tandulula thaidzo dza shango arali ra shumisana roṱhe.”
-
Ndi thaidzo dzifhio dzine dza ḓo tandululwa nga Muvhuso wa Mudzimu dze mivhuso ya vhathu ya kundelwa u dzi tandulula?
NO GUDA MINI?
Muvhuso wa Mudzimu u ḓo ita zwine Mudzimu a zwi ṱoḓa. U ḓo shandula ḽifhasi ḽoṱhe ḽa vha pharadiso yo ḓalaho nga vhathu vho lugaho vhane vha ḓo gwadamela Yehova lwa tshoṱhe.
Ni Kha Ḓi Zwi Humbula?
-
Muvhuso wa Mudzimu u ḓo ita hani uri dzina ḽa Mudzimu ḽi vhe ḽikhethwa?
-
Ndi ngani ri tshi nga fhulufhela uri Muvhuso wa Mudzimu u ḓo ita uri zwe zwa fhulufhedziswa Bivhilini zwi itee?
-
Kha zwithu zwoṱhe zwine Muvhuso wa Mudzimu wa ḓo zwi ita, ndi tshifhio tshe na tshi lavhelela nga maṱo matswuku?
WANANI ZWO ENGEDZEAHO
Gudani uri Haramagedo ndi mini.
Vhalani zwine zwa ḓo itea musi hu tshi vha na zwe Yesu a zwi vhidza “maṱungu mahulu.”—Mateo 24:21.
Vhonani uri miṱa i nga ḓivhona hani nga maṱo a muhumbulo i Pharadisoni.
Vhalani thero ine ya ri: “Ndo Vha Ndi Na Mbudziso Nnzhi Nga Ha Vhutshilo Dzine Dza Mmbilaedzisa,” ni vhone uri muṅwe munna we a vha a tshi fhisetshela zwa politiki o wana hani zwe a vha a tshi khou zwi ṱoḓa.
You May Also Like
MBUDZISO DZINE DZA ANZELA U VHUDZISWA
Ngudo Ya Bivhili Ndi Mini?
Musi ni tshi khou guda na Ṱhanzi dza Yehova nga mahala, ni nga shumisa Bivhili iṅwe na iṅwe ine na i takalela. Ni nga vhidza vha muṱani ha waṋu kana khonani dzaṋu uri na vhone vha vhe hone musi ni tshi guda.
