NGUDO 10
U Shandukisa Ipfi
Mirero 8:4, 7
MANWELEDZO: Nḓila ine na amba ngayo, u shandukisa volumu ya ipfi ḽaṋu, luvhilo lwaṋu zwi fanela u bviselani mbuno khagala nahone zwi kwame.
NḒILA YA U ZWI ITA:
-
Shandukisani volumu ya ipfi. Engedzani ipfi ḽaṋu u itela u ombedzela mbuno na u ṱuṱuwedza vhathetshelesi vhaṋu. Itani nga u ralo musi ni tshi khou vhala Luṅwalo lune lwa amba nga khaṱulo. Fhungudzani ipfi u itela u vusa dzangalelo kana u sumbedza nyofho na u vhilaela.
-
Shandukisani nḓila ine na amba ngayo. Arali zwi tshi ṱanganedzea kha luambo lwaṋu, ni nga ambela nṱha u itela u sumbedza u fhisea kana u sumbedza nḓila ye tshithu tsha lapfa ngayo. Fhungudzani ipfi u itela u sumbedza vhuṱungu kana u vhilaela.
-
Shandukisani luvhilo lwaṋu. Ambani nga u ṱavhanya u itela u sumbedza u takala. Musi ni tshi khou amba mbuno dza ndeme, ambani nga u ongolowa.
