NGUDO 6
U Bvisela Khagala Mbuno Ya Luṅwalo
Yohane 10:33-36
MANWELEDZO: Ni songo sokou vhala luṅwalo nahone na fhirela phanḓa. Itani vhungoho ha uri vhathetshelesi vhaṋu vha khou vhona uri luṅwalo lwe na lu vhala lu tshimbidzana hani na mbuno ine na khou i amba.
NḒILA YA U ZWI ITA:
-
Khethani maipfi a ndeme. Musi ni tshi fhedza u vhala luṅwalo, khethani maipfi ane a tshimbidzana na mbuno yaṋu. Ni nga ita zwenezwo nga u dovholola eneo maipfi kana nga u vhudzisa mbudziso ine ya ḓo ita uri vhathetshelesi vhaṋu vha kone u pfa uri ndi dzifhio mbuno dza ndeme.
-
Ombedzelani mbuno. Arali ni tshi khou ṱoḓa uri hu vhaliwe luṅwalo, ṱalutshedzani nḓila ine maipfi a ndeme ane a vha kha luṅwalo a tikedza ngayo yeneyo mbuno.
-
Sumbedzani uri lu shuma hani nga nḓila i leluwaho. Iledzani u amba zwidodombedzwa zwine zwa si tikedze mbuno. Ni fanela u khetha uri ndi mbuno nngana dzine dza ṱoḓea u itela uri vhathetshelesi vhaṋu vha kone u pfesesa zwavhuḓi, fhedzi ni ḓo ita zwenezwo zwi tshi ya ngauri ndi zwifhio zwine vhathetshelesi vhaṋu vha zwi ḓivha nga ha eneo mafhungo.
