Fhaṱuwani! No. 2 2018 | Zwithu Zwa 12 Zwi Itaho Uri Muṱa U Takale
Zwithu Zwa 12 Zwi Itaho Uri Muṱa U Takale
Ri pfa nga ha zwithu zwinzhi zwine zwa itea miṱani zwine zwa ita uri zwithu zwi si tshimbile zwavhuḓi. Fhedzi kha ri gude nga ha uri ndi mini zwine zwa ita uri zwithu zwi tshimbile zwavhuḓi muṱani.
Ngei Amerika, vhukati ha ṅwaha wa 1990 na 2015, mbalo ya vhathu vho ṱalanaho yo engedzea kavhili kha vhathu vha re na miṅwaha i fhiraho 50, ya engedzea kararu kha vhane vha vha na miṅwaha i fhiraho 65.
Vhabebi a vha tsha ḓivha ntswu na tsheena: Vhaṅwe vha tenda uri vhana vha tea u dzula vha tshi khoḓwa, ngeno vhaṅwe vha tshi tenda uri vha tea u vha konḓisela uri vha aluwe zwavhuḓi.
Vhaswa vha khou aluwa vha sa ḓivhi uri vha tea u ita mini uri vha tshile vhutshilo havhuḓi.
Hu sa londwi zwenezwi . . .
Mbingano i nga vha i takadzaho na ya tshoṱhe.
Vhabebi vha nga guda u kaidza vhana vhavho nga nḓila ya lufuno.
Vhaswa vha nga guda zwithu zwine zwa ḓo vha thusa vha tshi aluwa.
Nga nḓila-ḓe? Uno magazini wa Fhaṱuwani! u ḓo amba nga ha zwithu zwa 12 zwi itaho uri muṱa u takale.
1: U Ḓiimisela U Dzula Mbinganoni
Zwithu zwiraru zwine zwa nga thusa vhavhingani uri vha sa ṱalane.
2: U Shumisana
Naa mufarisi waṋu u tou nga mudzulisani waṋu?
3: U Ṱhonifha
Gudani zwine na nga amba na u ita u itela u ita vhungoho ha uri mufarisi waṋu u ḓipfa a tshi ṱhonifhiwa.
4: U Hangwela
Ndi mini zwine zwa nga ni thusa u tsinya iṱo musi mufarisi waṋu o ni khakhela?
5: U Ambedzana
Zwithu zwiraru zwa ndeme zwine zwa nga ni thusa uri ni vhe tsini na vhana vhaṋu.
6: U Laya
Naa u laya zwi ita uri ṅwana a ḓipfe e si tshithu?
7: Kutshilele Kwavhuḓi
Ni tea u gudisa vhana vhaṋu uri vha tshile hani?
8: U Vha Tsumbo
Arali ni tshi khou ṱoḓa uri vhana vhaṋu vha ite zwine na amba, ni tea u tshila u tendelana nazwo.
9: U Ḓiḓivha
Vhaswa vha nga imela hani na zwine vha tenda zwone?
10: U Fhulufhelea
U ita uri vhabebi vhaṋu vha ni fhulufhele zwi ḓo ni vhuyedza na musi no no aluwa.
11: U Vha Mushumi Wa Biko
U guda u shuma nga maanḓa ni tshee muswa zwi nga ni vhuyedza nga nḓila nnzhi ni tshi aluwa.
12: Zwipikwa
U swikelela zwipikwa zwi nga ita uri ni ḓifhulufhele, ni khwaṱhise vhukonani haṋu na vhaṅwe na u ita uri ni takale.
Zwiṅwe Zwine Zwa Nga Thusa Muṱa
Vhulivhisi vhu re Bivhilini vhu nga ni thusa uri ni vhe na mbingano i takadzaho na uri muṱa waṋu u takale.
