Mudzimu Ndi Nnyi?
Vhathu vhanzhi vha amba uri vha tenda kha Mudzimu. Fhedzi, arali na vhudzisa uri Mudzimu ndi nnyi, ni ḓo wana phindulo dzi sa fani. Vhaṅwe vha ri Mudzimu u haṱula nga tshiṱuhu, nahone zwine a ṱoḓa ndi u shengedza vha sa itiho zwine a funa. Vhaṅwe vha ri u dzula a tshi vha funa na u vha hangwela, hu sa londwi zwine vha ita. Nahone vhaṅwe vha tenda uri Mudzimu u kule vhukuma nahone ha na ndavha na riṋe. Eneo mavhonele a ita uri vhathu vhanzhi vha vhone unga a zwi konadzei u ḓivha Mudzimu.
Naa ndi zwa ndeme u ḓivha uri Mudzimu ndi nnyi? Ee ndi zwa ndeme. U ḓivha Mudzimu zwi nga ita uri ni ḓivhe uri ni khou tshilela mini. (Mishumo 17:26-28) Musi ni tshi sendela tsini na Mudzimu, u ḓo ni funa na u ni thusa nga ho engedzeaho. (Yakobo 4:8) Mafheleloni, u ḓivha Mudzimu khwine zwi nga ita uri ni wane vhutshilo vhu sa fheli.—Yohane 17:3.
Ni nga kona hani u ḓivha Mudzimu? Humbulani nga ha muthu ane na mu ḓivha khwine, sa khonani yaṋu ya tsini. Honoho vhukonani ho thoma hani? Zwi tou pfala uri no thoma nga u ḓivha dzina ḽawe, vhumuthu hawe, zwine a zwi funa na zwine a sa zwi fune, zwe a zwi ita na zwine a ṱoḓa u zwi ita na zwiṅwe vho. No kona u vha na vhushaka ha tsini nae nge na guda nga hae.
Nga nḓila i fanaho, ri nga kona u ḓivha Mudzimu nga u ṱolisisa mbudziso dzi tevhelaho:
Hoyu magazini u na phindulo dzo thewaho Bivhilini dza dzenedzo mbudziso. Dzenedzi thero dzi ḓo ni thusa uri ni kone u ḓivha Mudzimu na u vha na vhushaka havhuḓi nae.
You May Also Like
TSHIINGAMO
Dzina Ḽa Mudzimu Ndi Nnyi?
Naa no vha ni tshi zwi ḓivha uri Mudzimu u na dzina ḽine ḽa mu ṱalula?
TSHIINGAMO
Naa Ri Nga Wana Mudzimu?
Masia a Mudzimu ane a sa pfesesee a nga ri thusa u mu ḓivha khwine.
