Naa no vhala nga vhuronwane thero dza zwenezwino dza Tshiingamo? Vhonani arali ni tshi nga fhindula mbudziso dzi tevhelaho:

Ndi ngani vhabebi vhane vha bva kha maṅwe mashango vha tshi fanela u dzhiela nṱha luambo lune vhana vhavho vha lu shumisa u itela uri vha kone u vha thusa nga lwa muya?

Khamusi vhana vha ḓo guda luambo tshikoloni na hune na dzula hone. U ḓivha nyambo nnzhi zwi nga thusa ṅwana. Vhabebi vha fanela u ḓivha tshivhidzo tshine vhana vhavho vha nga kona u pfesesa ngoho na u ita mvelaphanḓa ya lwa muya, hu sa londwi uri vha ḓikonanya na tshivhidzo tshine tsha shumisa luambo lwa henefho kana tshine tsha shumisa luambo lwa vhabebi vhavho. Vhabebi vha Vhakriste vha vhea ṱhoḓea dza lwa muya dza vhana vhavho u thoma u fhira zwine vha zwi ṱoḓa.—w17.05, masiaṱ. 9-11.

Yesu o vha a tshi khou amba nga ha mini musi a tshi vhudzisa Petro uri: “Naa u a mpfuna u fhira izwi?” (Yoh. 21:15)

Zwi vhonala u nga Yesu o vha a tshi khou amba nga ha khovhe dze dza vha dzi nga henefho tsini kana bindu ḽa u fasha khovhe. Musi Yesu o no lovha, Petro o humela kha mushumo wawe wa u fasha khovhe. Vhakriste vha fanela u linganyisela kha mushumo wa u ḓitshidza.—w17.05, masiaṱ. 22-23.

Ndi ngani Abrahamu o humbela mufumakadzi wawe uri a ambe uri ndi khaladzi awe? (Gen. 12:10-13)

Sara o vha e khaladzi ya Abrahamu zwa vhukuma. Arali Sara o vha o amba uri u mufumakadzi wawe, Abrahamu o vha a tshi nga vhulahwa nahone zwenezwo zwo vha zwi tshi ḓo ita uri a si tsha bveledza mbeu ye Mudzimu a mu fulufhedzisa yone.—wp17.3, masiaṱ. 14-15.

Ndi mini zwe Elias Hutter a zwi ita u itela u thusa vhathu vhe vha vha vha tshi ṱoḓa u guda Luheberu?

O vha a tshi ṱoḓa u thusa vhagudiswa uri vha kone u ḓivha phambano i re hone kha maipfi a Luheberu a re Bivhilini na maipfi o ṱumiwaho mathomoni a ipfi na o ṱumiwaho magumoni. O gandisa ipfi ḽiṅwe na ḽiṅwe ḽi songo ṱumana na ḽiṅwe, fhedzi kha maipfi o ṱumiwaho mathomoni a ipfi na o ṱumiwaho magumoni, o shumisa maḽeḓere o fhandekanaho. The New World Translation of the Holy Scriptures—With References yo shumisa maitele a fanaho kha ṱhaluso i re magumoni a siaṱari.—wp17.4, masiaṱ. 11-12.

Ndi mini zwine Mukriste a fanela u zwi humbula nga ha u vha na tshigidi u itela u ḓitsireledza kha vhaṅwe vhathu?

U fanela u humbula uri: Mudzimu u dzhia vhutshilo vhu ha ndeme. Yesu ho ngo ṱuṱuwedza vhatevheli vhawe uri vha vhe na mapfumo u itela u ḓitsireledza. (Luka 22:36, 38) Mapfumo ashu ri fanela u ita madzembe ngao. Vhutshilo ndi ha ndeme u fhira zwithu zwi vhonalaho. Ri ṱhonifha luvalo lwa vhaṅwe nahone ri ṱoḓa u vha tsumbo yavhuḓi. (2 Vhakor. 4:2)—w17.07, masiaṱ. 31-32.

Ndi ngani mafhungo a re kha bugu ya Mateo na Luka a ambaho nga ha vhutshilo ha Yesu musi a tshee kha ḽifhasi a sa fani?

Mafhungo a re kha bugu ya Mateo a livhisa ṱhogomelo kha Yosefa, nḓila ye a aravha ngayo musi Maria a tshi vhifha muvhilini, musi muruṅwa a tshi mu vhudza uri a shavhele Egipita na u vhudzwa uri a humele shangoni ḽa hawe. Mafhungo a re kha bugu ya Luka a livhisa ṱhogomelo kha Maria; sa tsumbo, a amba nga ha musi a tshi dalela Elisabetha na nḓila ye a aravha ngayo musi Yesu a tshi sala thembeleni.—w17.08, siaṱ. 32.

Ndi kha vhuimo vhufhio he Ipfi ḽa Mudzimu ḽa ima ḽo khwaṱha?

Maipfi e a shumiswa Bivhilini na zwine a amba zwone zwi a shanduka nga u ya ha tshifhinga. Tshanduko dza zwa politiki dzo kwama nḓila ine vhathu vha amba ngayo. Ho thivhelwa ṱhalutshedzelo ya Bivhili nga nyambo dzo ḓoweleaho.​—w17.09, masiaṱ. 19-21.

Naa ri na muruṅwa ane a ri linda?

Hai. Yesu o amba uri vharuṅwa vha vhafunziwa vhawe vha vhona tshifhaṱuwo tsha Mudzimu. (Mat. 18:10) O vha a sa khou amba uri vharuṅwa vha tsireledza muṅwe na muṅwe wa vhafunziwa vhawe nga lwa vhuṱolo, fhedzi o vha a tshi khou amba uri vharuṅwa vha na dzangalelo kha vhafunziwa vhawe.—wp17.5, siaṱ. 5.

Ndi ufhio muṅwe mufuda wa ndeme wa lufuno?

Lufuno (a·gaʹpe) lwo thewaho kha zwilinganyo zwo lugaho, ndi lwone lwa ndeme vhukuma. Lwonolwu lufuno lu nga katela maḓipfele. Fhedzi lu sumbedza zwilinganyo zwo lugaho, zwi ngaho u itela vhaṅwe zwithu zwavhuḓi.—w17.10, siaṱ. 7.