DZULANI NO FHAṰUWA!
Dzinndwa Dzi Ḓo Fhela Lini?—Bivhili I Ri Mini Nga Hazwo?
Vho António Guterres vhane vha vha Secretary-General wa United Nations vho amba zwi tevhelaho nga ha u ṱhaselwa ha shango ḽa Isiraele nga Iran nga Mugivhela 13 April 2024, vho ri: “Zwa zwino ndi tshifhinga tsha uri hezwi zwithu zwi fhungudzee. Ndi tshifhinga tsha uri ri ḓifare vhukuma.”
Zwine zwa khou itea Middle East ndi tsumbo ya zwithu zwine zwa khou itea shangoni ḽoṱhe.
Nga 26 January 2023, vha United Nations Security Council vho ri: “Zwa zwino, hu na nndwa nnzhi dzine dza khou itea kha ḽino shango u fhira dze dza vhuya dza vha hone u bva nga Nndwa Ya Vhuvhili Ya Shango nahone dzi khou kwama vhathu vha linganaho 2 biḽioni, ine ya vha kotara ya vhathu vhoṱhe kha ḽifhasi.”
Maṅwe mashango hune ha vha na dzinndwa ndi Israel, Gaza, Syria, Azerbaijan, Ukraine, Sudan, Ethiopia, Niger, Myanmar na Haiti. a
Dzinndwa dzi ḓo fhela lini? Naa vhavhusi vha ḽifhasi vha nga ita uri hu vhe na mulalo? Bivhili i ri mini nga hazwo?
Shango ḽi nndwani
Nndwa dzi re hone u mona na shango namusi dzi sumbedza uri hu si kale a hu nga si tsha vha na nndwa. Nndwa dzi re hone ndi u itea ha vhuporofita vhu re Bivhilini vhu ambaho nga ha tshifhinga tshine ra khou tshila khatsho. Bivhili i vhidza tshenetshi tshifhinga uri ndi tshifhinga “tsha vhufhelo ha shango.”—Mateo 24:3.
“Ni ḓo pfa nga ha dzinndwa na nga ha mivhigo ya dzinndwa. . . . Lushaka lu ḓo lwa na luṅwe lushaka na muvhuso wa lwa na muṅwe muvhuso.”—Mateo 24:6, 7.
Vhalani thero “What Is the Sign of ‘the Last Days,’ or ‘End Times’?” u itela u vhona uri dzinndwa dzine dza vha hone namusi ndi u itea ha vhuporofita ha Bivhili.
Nndwa ine ya ḓo fhelisa nndwa dzoṱhe
Bivhili i amba nga ha u fheliswa ha nndwa dzoṱhe. Zwenezwo zwi ḓo itea hani? Dzi nga si fheliswe nga vhathu, dzi ḓo fheliswa nga nndwa ya Haramagedo ine ya vha ‘nndwa ya ḓuvha ḽihulu ḽa Mudzimu Ramaanḓaoṱhe.’ (Nzumbululo 16:14, 16) Nga murahu ha yeneyo nndwa, Mudzimu u ḓo ita uri vhathu vha ḓiphiṋe nga mulalo kha ḽifhasi sa zwe a fhulufhedzisa.—Phisalema 37:10, 11, 29.
U guda zwinzhi nga ha nndwa ya Mudzimu ine ya ḓo fhelisa dzinndwa, vhalani thero “Nndwa Ya Haramagedo Ndi Mini?”
a ACLED Conflict Index, “Ranking violent conflict levels across the world,” January 2024
You May Also Like
TSHIINGAMO
“Vhufhelo”—Vhu Amba Mini?
Naa ni a zwi ḓivha uri zwine Bivhili ya zwi amba nga ha “vhufhelo” ndi mafhungo avhuḓi vhukuma?
ESSENTIAL BIBLE TEACHINGS
Ndi Ngani Mudzimu A Tshi Tendela Tshengelo?
Bivhili i ṋea phindulo ine ya fusha na u khuthadza.
TSHIINGAMO
Mavhonele A Mudzimu Nga Ha Nndwa Ṋamusi
Hu si kale Mudzimu u ḓo ḓisa nndwa ine ya ḓo fhelisa nndwa dzoṱhe.
DZULANI NO FHAṰUWA!
Naa Haramagedo I Ḓo Thoma Isiraele?—Bivhili I Ri Mini Nga Hazwo?
Phindulo ri i wana kha zwo ambiwaho nga ha Haramagedo kha bugu ya Nzumbululo.
NGA HA RIṊE
Humbelani U Dalelwa
Haseledzani mbudziso i bvaho Bivhilini kana ni gude zwo engedzeaho nga ha Ṱhanzi dza Yehova.
