U mona na shango ḽoṱhe, dzinndwa dzi bvela phanḓa dzi tshi tshinyadza na u ita uri vhathu vha tambule. Ṱhogomelani mivhigo i tevhelaho:

•   “Ṅwaha wo fhelaho, ho lovha vhathu vhanzhi nga nṱhani ha nndwa zwihuluhulu ngei Ethiopia na Ukraine. Tshenetshi ndi tshivhalo tshihulu u fhira zwoṱhe u bva nga 1994.”—Peace Research Institute Oslo, 7 June 2023.

•   “Nndwa ya ngei Ukraine ndi iṅwe ya dzikhakhathi dze dza tou ṋaṋa u vhifha nga ṅwaha wa 2022. U mona na shango ḽoṱhe, khakhathi dza zwa poḽitiki dzo engedzea nga phesenthe dza 27 u fhira ṅwaha wo fhiraho nahone vhathu vha ṱoḓaho u vha 1.7 biḽioni vho kwamea.”—The Armed Conflict Location & Event Data Project (ACLED), 8 February 2023.

 Bivhili i ri ṋea fhulufhelo. I ri: “Mudzimu wa ṱaḓulu u ḓo vhumba muvhuso une wa sa ḓo fheliswa.” (Daniele 2:44) Mudzimu u ḓo shumisa wonoyo Muvhuso “u fhelisa nndwa ḽifhasini ḽoṱhe.”—Phisalema 46:9.