Nga July 2022, ho vha na zwiwo zwi shushaho u mona na shango zwa u thunthswa ha vhathu:

•   “Vhathu u mona na shango ḽoṱhe vho tshuwa musi vha tshi pfa nga ha u thuntshiwa ha rapolotiki a ḓivheaho vhukuma kha ḽa Dzhapani, Prime Minister wa kale Vho Shinzo Abe, zwenezwi zwo mangadza vhathu samusi hu si na vhuvemu vhuzhi nahone muvhuso u tshi khwaṱhisa tshanḓa zwi tshi ḓa kha kushumisele kwa zwigidi.”—10 July 2022, The Japan Times.

•   “Vhathu vha Denmark vha tshee vho tshuswa nga munna we a vha o ḓiṱama, we a vhulaya vhathu vhararu mavhelengeni a Copenhagen.”—4 July 2022, Reuters.

•   “Afurika Tshipembe: Vhanna vho ḓiṱamaho vho thuntsha vha vhulaya vhathu vha 15 tshipotoni ngei Soweto.”—10 July 2022, The Guardian.

•   “Nga mafhelo a vhege a holodei ya 4 July, ho vha na bulayo ḽi tshusaho ḽe ha thutshwa ha vhulawa vhathu vha fhiraho 220 Amerika.”—5 July 2022, CBS News.

 Naa honovhu vhuvemu vhu ḓo vhuya ha fhela? Bivhili i ri mini?

 Bivhili i ri ri khou tshila “maḓuvhani a vhufhelo,” hune vhathu vha ḓo ita dzikhakhathi, vha vha na vhuhali na u ita zwithu zwi ofhisaho. (2 Timotheo 3:1, 3) Vhuvemu ho raloho vhu ita uri vhathu vha dzule vho tshuwa. (Luka 21:11) Naho zwo ralo, Bivhili i fhulufhedzisa uri hu ḓo swika tshifhinga tshine vhuvemu ha ḓo fhela nahone vhathu “vha ḓo dzula fhethu hu re na mulalo, fhethu ho tsireledzeaho ha u awela hu re na mulalo.” (Yesaya 32:18) Vhuvemu vhu ḓo fhela nga nḓila-ḓe?

 Mudzimu u ḓo fhelisa vhathu vhavhi na zwiṱhavhane zwoṱhe.

•   “Vhavhi vha ḓo fheliswa kha ḽifhasi, vha re na tshimbevha vha ḓo tupulwa khaḽo.”—Mirero 2:22.

•   “[Mudzimu] u fhelisa nndwa ḽifhasini ḽoṱhe. U vunḓa vhura na u vunḓekanya mapfumo; u fhisa gariki dza nndwa nga mulilo.”—Phisalema 46:9.

 Mudzimu u ḓo fhelisa vhuvemu nga u funza vhathu uri vhathu vha tshile nga mulalo.

•   “Zwi nga si huvhadze na luthihi kana zwa tshinya thavhani khethwa yanga, ngauri ḽifhasi ḽi ḓo vha ḽo ḓala nga nḓivho ya Yehova u fana na maḓi a tshi ḓadza lwanzhe.”—Yesaya 11:9.

•   Na nga tshino tshifhinga, Mudzimu u khou funza vhathu u mona na shango u vhenga vhuvemu na zwiṱhavhane, uri ‘mabanga avho vha ite madzembe ngao, mapfumo avho vha ite makhavha ngao’—Mika 4:3.

 U itela u guda zwo engedzeaho nga ha zwine Bivhili ya zwi fhulufhedzisa nga ha shango ḽine ra ḓo tshila khaḽo ri sa ofhi, vhalani thero ine ya ri “Freedom From Fear—Is It Possible?”

 U itela u guda zwo engedzeaho nga ha thandululo ya tshoṱhe ya vhuvemu, vhalani thero ine ya ri “Peace on Earth at Last!”