Davida o kunda Goliata nga nṱhani ha uri o ḓitika nga Yehova. (1Sa 17:45) Yehova u ṱoḓa u sumbedza nungo dzawe a tshi itela vhashumeli vhawe vhoṱhe. (2Krk 16:9) Ri nga ḓitika hani nga thuso ya Yehova nṱhani ha u ḓitika nga tshenzhelo na vhukoni hashu? Ṱhogomelani nḓila tharu:

• Dzulani ni tshi rabela. Ni songo rabelela uri Yehova a ni hangwele fhedzi musi no ita vhukhakhi, rabelelani na uri a ni ṋee nungo dza u sedzana na mulingo wa u ita zwo khakheaho. (Mat 6:12, 13) Ni songo rabelela fhedzi uri Yehova a fhaṱutshedze phetho dzine no no dzi ita, ni rabelele na uri a ni ṋee vhulivhisi na vhuṱali ni sa athu ita phetho.—Yak 1:5

• Dzulani ni tshi vhala Bivhili na u guda. Vhalani Bivhili ḓuvha ḽiṅwe na ḽiṅwe. (Ps 1:2) Elekanyani nga ha tsumbo dzi re Bivhilini nahone ni shumise zwe na guda. (Yak 1:23-25) Lugiselelani zwine na ḓo amba tsimuni nṱhani ha u ḓitika nga tshenzhelo yaṋu. Lugiselelani zwine zwa ḓo gudiwa miṱanganoni ya tshivhidzo hu tshee nga phanḓa u itela uri ni vhuyelwe nga vhuḓalo

• Shumisanani na ndangulo ya Yehova. Tshimbidzanani na vhulivhisi vhuswa vhu bvaho kha ndangulo ya Yehova nahone ni songo lenga u vhu tevhedza. (Num 9:17) Thetshelesani vhahulwane musi vha tshi ṋea ndayo na vhulivhisi.—Hev 13:17

ṰALELANI VIDIO INE YA RI: A HU NA TSHIITISI TSHA U OFHA U TOVHOLWA, NGA MURAHU NI FHINDULE MBUDZISO DZI TEVHELAHO:

• Ndi mini zwe zwa vha zwi tshi khou ofhiwa nga vhahashu?

• Ndi mini zwo vha thusaho u sedzana na nyofho?