U itela uri vhagudiswa vhashu vha Bivhili vha ḓivhe Yehova na u vha Vhakriste vha khwiṋe, vha tea u guda zwithu zwinzhi nga nnḓa ha zwine ra vha gudisa zwone. (Mat 5:3; Hev 5:12–6:2) Vha tea u funzwa uri vha ḓigudise vhone vhaṋe.

Sumbedzani vhagudiswa vhaṋu nḓila ya u lugiselela pfunzo ya Bivhili musi ni tshi tou thoma u guda navho nahone ni vha ṱuṱuwedze uri vha ite ngauralo. (mwb18.03 6) Vha ṱuṱuwedzeni uri vha thome nga u rabela tshifhinga tshoṱhe musi vha sa athu ita ngudo ya muthu nga eṱhe. Vha sumbedzeni uri vha nga wana ngafhi zwishumiswa zwa u guda kha Inthanethe na nḓila ya u zwi shumisa. Vha ṱalutshedzeni uri vha nga wana hani zwithu zwiswa kha jw.org na JW Broadcasting^®. Ni vha gudise uri vha vhale Bivhili ḓuvha ḽiṅwe na ḽiṅwe, u lugiselela miṱangano ya tshivhidzo na u ita ṱhoḓisiso nga ha mbudziso dzine vha vha nadzo. Vha thuseni uri vha elekanye nga ha zwine vha khou zwi guda.

ṰALELANI VIDIO INE YA RI: THUSANI VHAGUDISWA VHAṊU VHA BIVHILI U ḒIGUDISA, NGA MURAHU NI FHINDULE MBUDZISO DZI TEVHELAHO:

• Neeta o thusa hani Naki u pfesesa uri musi a tshi lugiselela, tsha ndeme a si u wana phindulo?

• Ndi mini zwo thusaho Naki u pfesesa uri zwo tea uri Yehova a lwe na u ḓifara luvhi nga zwa vhudzekani?

• Naki o guda mini nga ha u elekanya?