Vhafumakadzi vha tamba tshipiḓa tsha ndeme vhukuma ndanguloni ya Yehova. (Ps 68:11) Vha fara pfunzo dza Bivhili nnzhi nahone vhunzhi ha vhavulanḓila vha tshifhinga tshoṱhe, ndi vhahashu vha tshifumakadzini. Vha dovha vha shuma sa miraḓo ya Bethele, vharumiwa, u thusa kha mushumo wa u fhaṱa na vhaṱalutshedzeli. Vha ṱuṱuwedza miṱa yavho na zwivhidzo zwavho. (Mir 14:1) Naho vhahashu vha tshifumakadzini vha si nga si vhe vhahulwane kana vhashumeli, vha nga ḓivhetshela zwipikwa zwa u ita zwithu zwinzhi tshivhidzoni. Arali ni wahashu wa tshifumakadzini, ni nga ita hani zwo engedzeaho?

• Lwelani u vha nga nḓila ine Mukriste a tea u vha ngayo.—1Ti 3:11; 1Pe 3:3-6

• Thusani vhaṅwe vhafumakadzi vhane vha vha vhaswa ngohoni.—Tit 2:3-5

• Lingedzani u fhedza tshifhinga tshinzhi tsimuni na u ita mvelaphanḓa

• Gudani luṅwe luambo

• Pfulutshelani hune ha vha na ṱhoḓea khulwane

• Ḓadzani fomo ya u ya u shuma Bethele kana ya u thusa u fhaṱa zwifhaṱo zwa Ṱhanzi Dza Yehova

• Ḓadzani fomo ya u ya SKE

ṰALELANI VIDIO INE YA RI: “VHAFUMAKADZI VHANE VHA VHA VHASHUMI VHA BIKO MURENANI,” NGA MURAHU NI VHUDZISE MBUDZISO I TEVHELAHO:

• Zwe vhenevha vhahashu vha zwi amba zwo ni ṱuṱuwedza hani?