CAPÌTOLO 37

Gonti de batesarme?

Giusto o sbalià?

Quando una persona la vol servir a Geovà la ga de batesarse.

□ Giusto

□ Sbalià

Se te sì batesà sarà pi fadiga che te fae un pecato.

□ Giusto

□ Sbalià

El batésimo el te giuta a esser salvo.

□ Giusto

□ Sbalià

Se no te sì batesà, no te ocore renderghe conto a Dio par quel che te fè.

□ Giusto

□ Sbalià

Se i to amighi i se batesa, vol dir che anca ti te sì pronto par esser batesà.

□ Giusto

□ Sbalià

SE TE sì drio viver de acordo coi prinsipi de Dio, te ghè una amicìssia con Lu e te parli ai altri sora la to fede, pol esser che te pensi de esser batesà. Ma come che te pol saver se te sì parecià par far questo? Par giutarte a risponder questa domanda, ndemo pensarghe sora quel che ghemo parlà vanti.

● Quando una persona la vol servir a Geovà la ga de batesarse.

Giusto. Gesù el ga dito che i so dissìpoli i gavaria de esser batesadi. Anca Gesù l’è stà batesà. (Mateo 28:19, 20) Par esser un seghidor de Cristo, te ghè de batesarte de volentiera e sol quando te capissi cossa che ghe vol par far questa dessision.

● Se te sì batesà sarà pi fadiga che te fae un pecato.

Sbalià. El batésimo l’è una maniera de mostrar ai altri che te ghè pregà a Geovà par farghe la promessa de servirlo. Questa promessa no l’è un acordo che te proibisse de far quel che te piaseria. Invesse, te prometi che te vè servir a Geovà parché te vol obedirlo.

● El batésimo el te giuta a esser salvo.

Giusto. La Bìblia la dise che l’è importante batesarse par esser salvi. (1 Pie. 3:21) Ma no te sarè salvo sol parché te sì batesà. Te ghè de voler batesarse parché te ami a Geovà e te vol servirlo par sempre de tuto el to cuor, nò sol parché te vol esser salvo. — Marco 12:29, 30.

● Se no te sì batesà, no te ocore renderghe conto a Dio par quel che te fè.

Sbalià. La Bìblia la dise che se qualchedun el sà quel che l’è giusto, ma no lo fà, l’è drio far un pecato, no importa se l’è batesà o nò. (Tiago 4:17) Fursi te capissi ben quel che l’è giusto o sbalià e te vol far quel che l’è giusto. Alora, saria bon parlar con to pare, to mare o un fradel dela congregassion che ga pi speriensa. Cossita, te savarè se te sì pronto par batesarte o nò.

● Se i to amighi i se batesa, vol dir che anca ti te sì pronto par esser batesà.

Sbalià. La dessision de batesarse la ga de esser fata de volentiera. (Salmo 110:3) Te ghè de batesarte sol quando te capissi ben cossa che ghe vol par esser una Testimònia de Geovà e quando te sì sicuro che te sì ben parecià par acetar questa granda responsabilità. — Eclesiasti 5:4, 5.

El batésimo el càmbia la to vita

El batésimo el càmbia la to vita e porta tante benedission. Ma l’è anca una granda responsabilità far quel che ghemo prometesto a Geovà.

Sito parecià par far questa promessa a Geovà? Se te sì pronto, te gavarè tanta alegria parché te ndarè servir a Geovà e mostrar che te lo ami par meso dela maniera che te vivi. — Mateo 22:36, 37.

NEL PRÒSSIMO CAPÌTOLO

Impara come gaver ogetivi par doperar ben la to vita.

TESTO PRINSIPAL

“Ve domando de presentar el vostro corpo come sacrifìssio vivo, santo e che ghe piase a Dio; cossita valtri adoraré Dio cole vostre capassità de rassiossinar.” — Romani 12:1.

UNA IDEA

Col aiuto del to pare o to mare, domanda a un fradel o una sorela dela congregassion che te giute a esser pi amigo de Geovà. — Ati 16:1-3.

SAVÉITO QUESTO?

Batesarse l’è tanto importante se te vol esser salvo nel Armagedon. — Ezechiel 9:4-6.

COSSA NDARÒ FAR

Par esser pronto par el batésimo, vao capir meio queste verità dela Bìblia: ․․․․․

Me piaseria domandarghe questo ai me genitori: ․․․․․

COSSA PÉNSITO?

● Parché che batesarse la ze una dessision importante?

● Parché che fursi un gióveno el podaria voler batesarse vanti de esser pronto?

● Parché che fursi arquanti gióveni no i vol dedicarse e esser batesadi?

[Comentàrio]

“Esser batesada me ga giutà a far bone dessision e no far robe sbaliade che podaria rovinar la me vita.” — Holly

[Quadro/Stampa]

Domande che le persone le se fà sora el batésimo

Cossa vol dir esser batesà? Quando te sì metesto rento la àqua e dopo i te tira su, vol dir che no te farè sol quel che te vol ti, ma adesso te vivi par far la volontà de Geovà.

Cossa vol dir dedicar la to vita a Geovà? Far la volontà de Geovà sarà pi importante che far la toa. (Mateo 16:24) Vanti de batesarte, te ghè de pregar a Geovà e dirghelo che, de lì avanti, te vol far la so volontà.

Cossa gheto de far vanti de batesarte? Te ghè de obedir i prinsipi dela Bìblia e parlar ai altri sora la to fede. Stùdia la Bìblia e prega a Dio par esser so amigo. Te ghè de servirlo parché ti te ghè dessidio, nò parché i altri i te ga dito de farlo.

Con quanti ani gheto de batesarte? La to età no la ze la roba pi importante, ma te ghè de capir ben cossa vol dir servir a Geovà par tuta la vita.

Cossa gheto de far se te vol esser batesà, ma to pare e to mare i dise che te toca spetar? Pol esser che lori i vol che te gàpia pi speriensa in servir a Geovà. Fà quel che lori i te dise e dopera ben questo tempo par esser ancora pi amigo de Dio. — 1 Samuel 2:26.

[Quadro]

Pensaghe sora

Sito drio pensar de esser batesà?

Pensa nele domande qua soto par saver se ti te sì pronto par esser batesà. Ledi anca tuti i testi dela Bìblia che ghen’è.

Come che te sì drio mostrar che te te fidi in Geovà? — Salmo 71:5. ․․․․․

Come che te mostri che te sè la difarensa intrà quel che l’è giusto e quel che l’è sbalià? — Ebrei 5:14. ․․․․․

Te preghi sempre a Dio o te fè questo sol dele volte? ․․․․․

Cossa che te disi quando te preghi a Dio? Nele to orassion, mostrito che te ami a Geovà? — Salmo 17:6. ․․․․․

Scrivi qua soto come che te podarissi far meio le to orassion. ․․․․․

Te ghè el costume de studiar la Bìblia ti sol? — Giosuè 1:8. ․․․․․

Sora cossa che ti te studi? ․․․․․

Scrivi qua soto come che te podarissi far meio el to stùdio dela Bìblia che te fè ti sol. ․․․․․

Càtito che te fè ben la predicassion? (Par esémpio: Te sì bon de spiegar ai altri le verità pi importante dela Bìblia? Quando qualchedun el mostra interesse nela verità, te sì bon de seitar farghe vìsite? Sito drio far sforso par insegnar la Bìblia a qualchedun?)

□ Sì □ Nò

Te vè nela predicassion ancora che to pare o to mare no i sìpie boni de ndar? — Ati 5:42.

□ Sì □ Nò

Scrivi qua soto come che te podarissi predicar meio. — 2 Timòteo 2:15. ․․․․․

Veto sempre ale riunion o te vè sol dele volte? — Ebrei 10:25. ․․․․․

Come che te sì drio partissipar nele riunion? ․․․․․

Te vè ale riunion ancora che to pare o to mare no i sìpie boni de ndar?

□ Sì □ Nò

Te piase pròpio de far quel che Dio el vol? — Salmo 40:8.

□ Sì □ Nò

Sito stà bon de seitar far quel che l’è giusto quando i altri i ga proà influensarte? — Romani 12:2. ․․․․․

Cossa che te pensi de far par mantegner forte el to amor par Geovà? — Giuda 20, 21. ․․․․․

Te seitarissi obedir a Geovà ancora che to pare, to mare o i to amighi i assesse de farlo? — Mateo 10:36, 37.

□ Sì □ Nò

[Stampa]

El batésimo e el matrimònio i ze compagni, i ze una granda responsabilità e i càmbia la vita de una persona