Ghen’è bele robe nela nostra vita. Anca se infrontemo problemi, l’è pròpio bel de viver. Alora, come podemo mostrar che ghe demo tanto valor ala vita, e parché che ghemo de farlo?

1. Parché che ghe demo valor ala vita?

Noantri demo valor ala vita parché la ze un bel presente che el nostro Pare Geovà el ne ga dato. L’è stà lu che el ga creà la vita, che el ne ga dato el fià e tute le altre robe. (Salmo 36:9; Ati 17:25, 28) E Geovà el ne dà tuto quel che ghemo bisogno para viver. Ma lu el ne dà anca tuto quel che ne ocore par goder la vita. — Ledi Ati 14:17.

2. Come che podemo mostrar a Geovà che ghe demo valor ala vita?

Un servo de Dio del passà de nome Davi el ga pregà: ‘I to oci i me ga visto quando ero sol un embrion.’ (Salmo 139:16) Questo mostra che Geovà el se ga preocupà con ti ancora prima che te nassessi. Geovà el dà tanto valor ala to vita. (Ledi Mateo 10:29-31.) Alora, lu el resta tanto disgustà quando una persona la copa nantra o la se copa. a (Ésodo 20:13) Geovà anca el resta disgustà quando una persona la fà qualcossa che pol coparla o farghe mal ai altri. Alora, quando se sforsemo par no farse mal o farghe mal ai altri, mostremo che ghe demo valor ala vita che Geovà el ne ga dato.

 IMPARA DE PI!

3. Sfòrsate par gaver una bona salute

Noantri ghemo prometesto che ndarìssino doperar la nostra vita par servir a Geovà. Podemo dir che saria come far un sacrifìssio a Dio. Ledé Romani 12:1, 2, e dopo, parlé sora questo:

• De acordo con Romani, parché che te vol gaver una bona salute?

• Come che te pol gaver una bona salute?

 5. Gàpia rispeto par la vita dei bambini

Davi el ga dito che Geovà el se preocupa tanto con un bambin che ancora no l’è nassesto. Ledé Salmo 139:13-17, e dopo, parlé sora questo:

• Par Geovà, la vita de un bambin la scomìnsia quando la mama la resta gràvida o quando lu el nasse?

Nel passà, Geovà el ga dato lege ai israeliti che protegea la mare e anca el bambin che no l’era gnancora nassesto. Ledé Ésodo 21:22, 23, e dopo, parlé sora questo:

• Pol esser che un israelita el copesse un bambin che gnancora no l’era nassesto. Cossa che Geovà el pensea anca se el israelita no lo gavesse fato aposta?

• Come che Geovà el se sente quando una persona la copa aposta un bambin che gnancora no l’è nassesto? b

• Come che te te senti de saver che Geovà el pensa cossita?

Vardé el VÌDEO.

Pol esser che una dona la pense che el aborto la ze la meio roba de far anca che la sàpia quel che Geovà el pensa sora questo. Ledé Isaia 41:10, e dopo, parlé sora questo:

• Metemo dir che una dona che la ze drio spetar un bambin la seita a scoltar che la ga de far un aborto. A chi che questa dona la ga de domandar aiuto e parché?

 COSSA CHE TE GHÈ IMPARÀ?

Geovà el ne ga dato un presente tanto bel, che l’è la nostra vita. La Bìblia la ne insegna come amar, proteger e rispetar la nostra vita e la vita dei altri.

Sito bon de ricordarte?

• Parché che Geovà el ghe dà tanto valor ala vita dele persone?

• Come che Geovà el se sente quando una persona la se copa o la copa i altri?

• Parché che te dè tanto valor ala vita?