“Adesso l’è la ora de calmarse e assar la situassion manco pericolosa. Adesso l’è la ora de mostrar che podemo controlarse”, ga dito el secretàrio geral dele Nassion Unide António Guterres sora el atache del Iran sora Israel nel sabo, 13 de april de 2024.

 La guera nel Oriente Mèdio l’è un esémpio de quel che l’è drio suceder in tuto el mondo.

 “El mondo l’è drio infrontar el pi grando nùmero de guere dopo dela Seconda Guera Mondial. Due bilioni de persone, o sia, una de cada quatro persone, le ze drio sofrir par via de queste guere.” — Consìlio de Seguransa dele Nassion Unide, 26 de genaro de 2023.

 Adesso ghen’è guere in posti come Israel, Gaza, Sìria, Azerbaigion, Ucrània, Sudon, Etiòpia, Nìger, Mianmar e Haiti. a

 Quando che le guere le se finirà? Sarà che i lìderi del mondo i pol giutarne a gaver pace? Cossa la Bìblia la dise?

 Le guere che ghen’è ancoi in tuto el mondo le mostra che presto tute le guere le ndarà finirse. La Bìblia la dise che semo drio viver “nel fin del sistema de cose”. Alora queste guere le ze una professia sora i giorni che semo drio viver. — Mateo 24:3.

•   “Valtri scoltaré parlar de guere e notìssie de guere. . . Nassion se levarà su contra nassion e regno contra regno.” — Mateo 24:6, 7.

 Ledi el artìcolo “O que é o sinal dos “últimos dias” ou “fim dos tempos”?” e varda come che le guere de ancoi le fà parte de professie dela Bìblia.

 La Bìblia la parla sora come che tute le guere le sarà finide fora. La spiega che no sucederà par via dei òmini, ma par via del Armagedon, “la guera del grando giorno de Dio, el Tuto Poderoso”. (Apocalisse 16:14) Dopo de questa guera, Dio el farà quel che el ga prometesto e el darà pace a tute le persone par sempre. — Salmo 37:10, 11, 29.

 Par saver come che la guera de Dio la ndarà finir con tute le guere, ledi el artìcolo “Cossa che la ze la guera del Armagedon?”