YOOSOMA 33
Eheeni onkelaaya opaka omwene wa Muluku?
Omwene wa Muluku onnalamulela wiirimu. Moohipisa, onkela opaka matxentxo valaponi. Nnoorowa woona itthu ikina sooreera Omwene wa Muluku onrowaaya opaka.
1. Moota heeni Omwene wa Muluku onrowa oruhela murettele valaponi?
Yesu, mwene a Omwene wa Muluku, onkela waanyaanya atthu oonanara murima ni anamalamulela aathu mpuwa mwa ekhotto eneeriwa Harmagedoni. (Apokalise 16:14, 16) Ekhotto eyo yeereya, enkela okwanela yoolepa ya mBiblyani yeeyo eneera: “Nlelo, ehuhu vakhaani, ni mutakhali khaphwanyaneya tho.” (Nsalmu 37:10) Moorwela mwa Omwene wa Muluku, Yesu onooruha murettele ni exariya elapo yootheene.—Mmusome Yesaya 11:4.
2. Okumi ahu onrowa okhala moota heeni vaavo yootthuna ya Muluku enkelaaya okwanela
Nkuupuwelani mukhalaka elapo yoohikhala ohaawa, elapo yootheene ekhalaka atthu a xariya ni ooreera murima, ni atthu ootheene esivelanaka ni emusivelaka Yehova! Ti hiiho onrowaaya okhala Omwene wa Muluku, mwaha wooweera “Anaxariya anrowa ohiyeriwa elapo ni okhala wa mahiku othene.” (Nsalmu 37:29) Khaavo aneera avoreiweke, atthu ootheene enkela okhalaka mahuku ootheene.
3. Eheeni Omwene wa Muluku onkelaaya opaka atthu oowuuma murima yanyanyiwa?
Atthu oowumma murima yanyanyiwa, Yesu onrowa olamulela mpuwa mwa iyaakha 1.000. Ovinyera vaavo, owo ni atthu 144.000 anrowa olamulela niyoowo anrowa waakhavihera atthu a elapo yootheene okhala oomalela. Mpuwa mwa iyaakha 1.000, elapo yootheene enkela okhala eparadiso yootepa oreera, ni atthu ootheene anrowa okhala oohakalala mwaha woooweera eneereke wiiwelela malamulo a Muluku. Nto Yesu onrowa ohokoloxera omwene wa Atithawe Yehova. Nsina na Yehova ninkela “ottelihiwa” opwaha khalayi. (Matheyo 6:9, 10) Enkela wooneya weera Yehova toori namalamulela onaapwattha atthu. Yehova onkela omunyaanya Satana, ni mademoniyu ni atthu ootheene anthanla ohimwiiwelela Muluku ni olamulelo awe. (Apokalise 20:7-10) Mwaha wa Omwene wa Muluku, ekumi enrowa okhala yoomalela mmakhaleloni mootheene, etthu eyo, enrowa okhala mahuku ootheene.
WEERA MUXUTTERE SINTXIPALE
Moone mwaha wa heeni nintthuneyaahu ororomela weera Muluku onoorowa ovarela muteko Omwene awe weera akwanihere soolaihera sa mBiblyani seiyo sinkela okwanela.
4. Omwene wa Muluku onrowa onyaanya ni omaliha imwene saatthu
Biblya oneera: “Vavale mutthu onamulamulaiye mukh’wawe wera amuhoxe.” (Koheleti 8:9) Yehova onrowa ovarela muteko Omwene awe weera amalihe ohixariya wootheene.
Mmusome Daniyeli 2:44 ni 2 Atesalonika 1:6-8. Avinyaka mutthekule ni ipontu sinttharelana:
-
Eheeni Yehova ni Yesu enrowaaya waapakela anamalamulela atthu ni ale anikhavihera olamulela owo?
-
Muupuwelaka sootheene nyuwo muxuttenraanyu voohima sa Yehova ni Yesu, moota heeni nyuwo muneeraanyu muroromeleke weera othoriha waya onrowa okhala wa xariya?
5. Yesu mwene oomalela
Mwaha wookhala mwene a Omwene wa Muluku, Yesu onkela waapakela itthu sintxipale sooreera atthu a elapo yootheene. Moone EVIIDIYU. Eviidiyu enkela woonihera weera Yesu onitthuna waakhavihera atthu, ni Muluku onvaha owera woopaka eyo.
Itthu Yesu aapankaawe ehuhu aaraawe elapo ya vathi, ntakihero na itthu onkelaawe opaka ntoko mwene a Omwene wa Muluku. Neereke mareeliho awo ahimmwale Khamwatthuna weera yaaphiñye vaanano? Musome soolepa sa mBiblyani sinthaliha sa mareeliho awo.
|
EHUHU YESU AARAAWE ELAPO YA VATHI . . . |
YESU AREENE WIIRIMU ONOOROWA . . . |
|---|---|
|
|
|
|
|
|
|
|
6. Omwene wa Muluku onnanivaha yooweherera yooreera
Omwene wa Muluku onimwaawiihera atthu okumi woohakalaliha yeeyo Yehova aatthunaawe wa atthu. Atthu ankela okhala mahuku ootheene mparadiso valaponi. Moone EVIIDIYU, weera moone moota Yehova onkelaawe okwanihera yootthunaawe elapo ya vathi moorwela mwa Yesu.
Musome Nsalmu 145:16. Avinyaka mutthekule ni epontu entharelana:
-
Munoonela hayi osuwela weera Yehova ‘onookwanihera sootthuna sa atthu ootheene’?
ATTHU AKINA ANEERA: “Wakhala weera mutthu ti mutthu a hiyo onnipaka empari awe nnoowera orehera maxupo a mulaponi.”
-
Maxupo heeni Omwene wa Muluku onrowaawe orehera yaawo ahinweriwa ni olamulelo wa atthu?
NYAHA SOOTTHUNEYA
Omwene onoopaka sootheene Muluku ontthunaawe. Onoorowa okhaliha elapo eparadiso, yoosareya atthu ooreera murima yaawo anrowa omukokhorelaka Yehova mahiku ootheene.
Wuuluula
-
Moota heeni Omwene wa Muluku onrowaaya otteeliha nsina na Yehova?
-
Mwaha wa heeni ontthuneyaaya ororomela weera Omwene wa Muluku onoorowa okwanihera soolaihera sa mBiblyani?
-
Mwa itthu sootheene sooreera Omwene wa Muluku onkelaaya opaka, etthu heeni nyuwo muntthunaanyu weera yeereye?
WEERA MUSUWELA ITTHU SINTXIPALE
Moonelele Harmagedoni ti heeni?
Musome voohima sa ele enkela weereya mpuwa mwa iyaakha 1.000 alamulelaka Yesu. Musome tho voohima sa ele enkela weereya yaavira ehuhu eyo.
“Exeeni Erowa Wiiraneya Nihiku na Ophukeliwa?” (A Sentinela, 1.º a Setembro a 2012)
Moone moota amusi eneeraaya yuupuweleke ereene mparadiso.
Va mwaha oneera “Makoho mantxipale nkaaphwanya waakhuliwa waya moone moota napolitika mmoha oohiiwelela malamulo aaphwannyaawe waakhuliwa makoho awe.
“Biblya onnatxentxa ekumi ya atthu” (A Sentinela, 1.º a Janeiro a 2012)
