Mithukumano sahu siri empari emoha yootthuneya vantxipale wa okokhorela weekhaikhai. (Nsa 22:23 [Nsa 22:22 Tradução do Novo Mundo]) Vaavo nintthukumanaahu weera nimukokhoreleke Yehova, ohakalala wahu onnaatxeerereya nave ninnaakhela mareeliho. (Nsa 65:5 [Nsa 65:4 NM]) Vanoneya weera, anamasoma a Biblya, ennarowa vahoolo moowaakuveya vaavo enrowelaaya woonela mithukumano.

Nyuwo munrowa omukhavihera hayi namasomaanyu a Biblya orowa woonela mithukumano? Muhikhulumuwe onwopa. Mmoonihere eviidiyu eneera: Exeeni Eniiraneya mMithukumano sa Empa ya Omwene? Avinyaka mmuleele mwaha wa heeni ooraaya wooreera woonela mithukumano. (Mukhaleno ekumi yoohimala! yoosoma 10) Muhime etthu yoohakalaliha nyuwo muxuttenraanyu omuthukumanoni naari muhime etthu enrowa osommwa va muthukumanoni onttharelana. Munvahe ebuukhu ensommwa va mmuthukumanoni. Muupuwele mukhalelo mukina woomukhavihera weera oonele mithukumano. Mwa ntakihero, nyuwo pooti omuteexa vakaaroni vanyu, vamootuni naari vatxinkani vanyu. Vaavo namasoma anyu aBiblya ompatxeraawe woonela mithukumano, nyuwo munrowa woona weera wiilipihera wanyu woophura etthu.—1Akor 14:24, 25.

MOONELE EVIIDIYU ENEERA: MMUKHAVIHERE OLE MUNIMUSOMIHA ANYU BIBLYA OROWELA MITHUKUMANO. AVINYAKA MWAAKHULE MAKOHO ALA:

• Emaara yaapakaaya yoosoma ya Biblya, Sara aattottenle hayi mureerelo weera anwopele Jade omuthukumanoni?

• Mwa moonelo anyu, mwaha wa heeni ninkhalaahu oohakalala vaavo namasoma a Biblya ononelaawe mithukumano?

• Jade oonenle hayi vaavo arowenlaawe woonela muthukumano awe woopatxera?