Okathi nimmusoma ahu Biibiliya, nnoowerya ophwanya itthu sa faita nitokosaka. Otokosa iwo onrowa onikhaliherya sai?

Mutokoseke itthu soovila wiiwexexa sinihimmwa mbiibiliyani. Mwa ntakiheryo, mwiikoheke so: ‘Tani olempe? Aalepela aani? Okathi xeeni elempwale aya yoowiiraneya ela? Makhalelo a okathi owo, yaari sai? Exeeni yiiraneyale ehinatthi olempwa? Exeeni yiiraneyale nuumala olempwa?’

Muupuweleleke itthu muniixutta anyu. Mwa ntakiheryo, mwiikoheke so: ‘Atthu anilavuliwa yoowiiraneya ela, yoonela sai? Mikhalelo xeeni yooniherya aya? Xeeni kinireerela aka otakiha mikhalelo iyo? Mweettelo xeeni woohiloka kinreerela aka osyaka?’

Nvariheleke muteko itthu muniixutta anyu, okathi munilaleerya anyu aahiiso munitthekula anyu ni atthu akina. Mwapaka eyo, munimooniherya wiira mookhalana ankhili, ntoko Biibiliya onihimya awe, Esalimo 107:43, oriki: “Ale antthuna okhala atthu a miruku etthokelele orattene itthu iya sothene”.

• Malakiheryo: Nwehe itthu muniixutta anyu mpantta wa mihakhu sinikhuma mbiibiliyani, okathi wa mithukumano sa eriyari ya esumana, ni moota onookhaliheryaayani ovarihela muteko, itthu nnixutta ahu mbiibiliyani. Mpantta owo, onniruuha makoho nikhanle ahu oowiikoha, iponto nikhanle ahu oowuupuwelela ni ifootu sikhanle ooniixuttiha etthu.