Masaalimu 129:1-8
-
Ninnitupheliwa, masi khaninxinttiwa
-
Ale animunyokha Siyoni, animuulihihiwa muru (5)
-
Nsipo na Atthu Aniwela.
129 “Okhuma omiravo aka, awanani animakela okilupattha”.
Nto Isarayeli ohimyeke wiira:
2 “Okhuma omiravo aka, awanani animakela okilupattha,Masi khawenrye okixintta.
3 Alimi, aalima ottuli waka;Aapaka matthuulu oorakama”.*
4 Masi Yehova ta xariya;Owo ookwasa mikhoyi sa atakhali.
5 Ootheene yaale animunyokha Siyoni,Anooveeheya, ni anootthikela ottuli, yuuliwe ene muru.
6 Awo anrowa olikanaka ni malaxi animela vampani,Yaawo anuuma ahinatthi opheliwa,
7 Yaawo ahinisareya mmatatani mwa mulipa-oohepha,Nnakhala mmoononi mwa ole onittottela mavisi.
8 Ale anrowa oviraka, khanrowa ohimyaka wiira:
“Yehova ooreeliheni;Hiyo ninnooreelihani mwa nsina na Yehova”.
Inoota
^ Aahiiso, “mikhutu soorakama”.
