Masaalimu 24:1-10
-
Mwene oovuwa onnikela vamukhora
-
‘Elapo ti yawawe Yehova’ (1)
-
Nsipo na Davidi.
24 Elapo ni itthu sootheene siri memmo, ti sawawe Yehova,Etthaya ni itthu sootheene sinikhala memmo.
2 Owo oolipiha elapo eyo mphareya,Ni oopweha oratteene mmuro.
3 Ti pani oniwerya owela mwaako wa Yehova,Nave ti pani oniwerya weemela nipuro nawe noowaarya?
4 Tuule ohiniira itthu soonanara ni orina murima wooreera,Tuule ohinilapha mwa nsina naka,* mahala ene,Nnakhala ohilamphe ophavelaka waawoka atthu akina.
5 Owo onimwaakhela mareeliho anikhuma wa Yehova,Ni exariya enikhuma wa Muluku awe, yoowo onimoopola.
6 Nlo nloko na atthu animwaavya Muluku,Atthu yaale aniwaavyani nyuwo, Muluku a Yakobe. (Selahi)
7 Nyuwo mikhora suulupale, mweemexe miru sanyu,Nyuwo mikhora sa khalai, muhuleye,Wiira ovolowe mwene oovuwa!
8 Mwene ola oovuwa, ti pani?
Ti Yehova, yoowo ori a ikuru ni oowerya,Ti Yehova, yoowo ori oowerya okhottoni.
9 Nyuwo mikhora suulupale, mweemexe miru sanyu;Nyuwo mikhora sa khalai, muhuleye,Wiira ovolowe mwene oovuwa!
10 Mwene ola oovuwa, ti pani?
Ti Yehova a anakhotto, owo tori mwene oovuwa. (Selahi)
Inoota
^ Aahiiso, “okumi aka”, ohimyaka okumi wa Yehova.
