Nvikanihe Omphenta Muluku

Biibiliya ookhalana malakiheryo ni soowiixuttiha sinnikhaliherya ovikaniha okhala moophentani mwa Muluku.

Ewarakha ya Nikhuuru Noolamulela

Nikhuuru Noolamulela na Anamoona a Yehova ninnaatumererya atthu otheene animphenta Yehova Muluku okhala moovarihana ni ekeekhai ya Nuulumo na Muluku, Biibiliya.

MURU 1

Ophenta wa Muluku Khonimala

Wira nikhalane opatthani woolipa ni Muluku nihaana wiimananiha vanceene. Ninrowa owerya sai opaka eyo?

MURU 2

Moota Wookhalana Murima Wooloka

Muluku onvaha khula mutthu yowuupuxerya ya murima emmukhaliherya osuwela etthu yoopaka mookumini.

MURU 3

Niireke Apatthani Anyu Apatthani a Muluku?

Apatthani ahu pooti onikhaliherya opaka itthu sooloka aahiiso soohiloka. Malakiheryo a mBiibiliyani anrowa onikhaliherya sai waathanla mwa miruku apatthani ahu?

MURU 4

Xeeni Vanireerela Aya Waattittimiha Makhulupale?

Nookhalana mathowa ooloka anniiriha ottittimiha okhulupale vatthokoni, mmulokoni ni mmuttettheni.

MURU 5

Muhiireleke Mpantta Olumwenku

Yesu aahaaleela awiixutti awe wira: “Nyuwo khamuhiyó-tho atthu a vathí-va”. Olumwenku xeeni maKristau anireerela aya ohiirela mpantta?

MURU 6

Moota Woothanla Matthekulelo Ooloka

Matthekulelo a olumwenku ola anoolikana ni efruta. Sookhala inamuna sikina sooloka sa otthekula, masi inamuna sinceene sa otthekula ti soowuntta. Nto exeeni enrowa wookhaliheryani othanla matthekulelo ooloka ni osyaka oohiloka?

MURU 7

Niireke Munnivaha Efaita Okumi Ntoko Muluku Onivaha Awe?

Malakiheryo xeeni a mBiibiliyani anrowa onikhaliherya opaka soothanla sooloka voohimya sa okumi ni ephome?

MURU 8

Yehova Onnaaphenta Atthu Ooratta

Malamulo a Muluku voohimya sa oratta anihela muhina orattela erutthu ahu, ikuwo sahu ni empa ahu. Nave onihela muhina okokhorela wahu, moonelo ahu ni muupuwelo ahu.

MURU 9

Mutthyaweke Orupihana Woohiloka

Orupihana woohiloka exeeni ni ninrowa otthyawa sai?

MURU 10

Ekasamento Yoovaha Ya Muluku

Ekasamento enikumiherya mireerelo xeeni? Munrowa omuthanla sai mwa miruku ole munrowa anyu othelana? Exeeni enrowa okhaliherya ekasamento anyu okhala ya mahiku otheene?

MURU 11

Nuuvira Nihiku na Ekasamento

Khula ekasamento yookhalana mixankiho saya. Tthiri hata anamathelana yaale arina mixankiho sinceene pooti olipiha ekasamento aya.

MURU 12

Mulavuleke Moolumo Oolipiha

Moolumo ahu pooti waalipiha aahiiso waakumiherya mixankiho atthu akina. Yehova Muluku onniniixuttiha moota woorumeela saana moolumo ahu.

MURU 13

Niireke Mahiku Otheene Anuupuweleliwa Annimusivela Muluku?

Atthu anceene annivaha efaita mahiku anuupuweliwa ni iferiyatu. Exeeni enrowa onikhaliherya osuwela moota Yehova onoonela awe mahiku awo?

MURU 14

Muroromeleyeke Mwa Itthu Sotheene

Nwehe mipantta mixexe onixankiha aya okhala mutthu oororomeleya ni mareeliho anikhumelela okathi ninxintta ahu mixankiho iyo.

MURU 15

Musiveliweke Muteko Anyu

Mpattuxa ahu oniphavela wira nisiveliweke muteko ahu. Nto exeeni mukhanle anyu oopaka wira musiveliweke muteko anyu? Niireke sookhala miteko maKristau anireerela aya osyaka?