Nlipelelo nnoolikana ni nankura. (aHé 6:19) Onninikhaliherya osyaka opweteiwa waamini wahu okhala wira mixankiho sinilikana ni munamukhaya mphareya. (1 Ti 1:18, 19) Munamukhaya mphareya pooti okhala itthu sinniriipiha murima, opweteiwa mireerelo, owereyasiwa, okhweliwa mutthu amphenta ahu, wala muxankiho mukina oneehererya ororomeleya wahu.

Waamini ni nlipelelo sinninikhaliherya owerya woona etthuvo eleiheriwe ahu. (2 aKor 4:16-18; aHé 11:13, 26, 27) Hata nlipelelo nahu niryeene orowa wiirimu wala okhala valaponi vaava, nihaana olipihaka nlipelelo nlo nuupuwelelaka sooleiherya siri mBiibiliyani. Nto, okathi onrowa aya onikhumelela mixankiho, nnimoona okhweya ovikaniha okhala oohakalala.—1 Pe 1:6, 7.

NUUMALA OWEHA EVIIDIYU ENI: MUTTELIWEKE MURIMA NI ITTHU SINILIPELELA ANYU, MWAAKHULEKE MAKOHO ALA ANITTHARELANA:

• Xeeni Moise ori awe ntakiheryo nnireerela otthara?

• Vano muritti xeeni orina aya ahooleli a imusi?

• Mwaha xeeni onoona anyu oreerela othokorerya okathi wa omulompa Muluku Vatthokoni?

• Moota xeeni nlipelelo ninrowa aya wookhaliheryani ohoova mixankiho?

• Itthu xeeni sa muhoolo sinilipelela anyu?