Yaaqoobi misiletussi goynnana bessennaagaa yootiya higgee baynna wodekka I Yihoowa xallawu goynnana bessiyoogaa eriis. (Kes 20:3-5) Hegaa gishshawu, Yihooway Yaaqoobi Beeteele simmanaadan yootidoogaappe guyyiyan, ubba asay allaga xoossatu misileta digganaadan Yaaqoobi azaziis. Yaatidi iitabaappe naaganaadan giidi hayttan wottiyo gutuchchata gujjin, misileta Yaaqoobi xayssiis. (Doo 35:1-4) Yaaqoobi oottidoban Yihooway ufayttidoogee qoncce.

Ha wodiyan, nuuni Yihoowa xallawu waati goynnana danddayiyoo? Nuuni oottana koshshiya issibay eeqaaranne iita ayyaanaara gayttida aybanne xayssiyoogaa. Hegee kaayuwaara gayttida miishshata aybanne, qassi nu allaxxiyoobaa loytti qoridi xayssiyoogaa. Leemisuwawu, nena hagaadan oychcha: ‘Vamppayereta, zombbeta giyoogaa malabatun woy asa wolqqaappe aadhdhiyaabaa bessiya woy yootiya maxaafatun woy pilimetun allaxxiyaanaa? Ta allaxxiyoobay shareechchiyoogaa, murunniyoogaa woy qanggiyoogaa qohenna kaassadan bessii?’ Yihooway ixxiyo aybippenne nuuni haakkana koshshees.—Maz 97:10.

“XALAHE HALAQAA TEQQITE,” GIYO BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• Geeshsha Maxaafaa xannaꞌiya Paleesi bolli gakkida metoy aybee?

• Iita ayyaanatu oosuwaara gayttidaagan cimatuppe maaduwaa koyiyoogee loꞌꞌo giyoy aybisee?

• Yihooway nuna naaganaadan koyikko, nuuni xayssana koshshiyaabati aybee?

• Paleesa sohuwaara ay oottadee?

• Neeni deꞌiyo heeran, daydanttatuura gayttidabaa xayssiyo issi issi ogeti aybee?