Lagge giya qaalay “issoy issuwaa wozanappe siiqiyoogaanne nashshiyoogaa” bessiyaaba. Leemisuwawu, Daawiti Gooliyaada wori simmin, Daawitanne Yonaataana laggetettay keehi minniis. (1Sam 18:1) Eti issoy issuwawu keehi loꞌꞌo eeshshaa bessidosona. Suure eray mino laggetettawu maaddiya waannaba. Yaatiyo gishshawu, nuuni issoy issuwaa loytti eranawu wodiyaa bazzidi baaxetana koshshees. SHin sooshal networkiyan asay aynne metootennan haratuura “laggetana” danddayees. Asay intternneetiyan haasayanabaa kasetidi qoppananne banttabaa issi issibaa haratuppe qosana danddayiyo gishshawu, eti bantta oonatettaa haratuppe genttiyoogee etawu kana kaassa. Yaatiyo gishshawu, intternneetiyan neeni laggetanawu dooriyo asatubaa loytta qoppana koshshees. Sooshal miidiyan nenaara laggetanawu koyidi nena oychchida uraabaa neeni loytta erennaba gidikko, awu koyikke gaada zaaranawu guyye gooppa. Issoti issoti gakkana danddayiya qohuwaa qoppidi, sooshal networkiyaa muleera goꞌettennan agganawu kuuyidosona. SHin neeni sooshal networkiyaa goꞌettana koyikko ay hassayana koshshii?

SOSHIYAL NETWORKIYAA GOꞌETTIYO OGIYAN AKEEKANCHA GIDA, GIYA BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:

• Neeni intternneetiyan issibaa xaafanaappe woy ne pootuwaa wottanaappe kase ay qoppana koshshii?

• Intternneetiyan neeni laggeta akeekan doorana koshshiyoy aybissee?

• Neeni sooshal networkiyaa ay keena wodiyawu goꞌettanaakko kuuyana bessiyoy aybissee?—Efi 5:15, 16