MINNADA HAGGAAZA | HAGGAAZUWAN KASEPPE AARUWAN UFAYTTITE
Pilgganawu Maaddiya Miishshata Goꞌettite
Nuuni tamaarissiyoogan qara gidana mala maaddiya miishshata, hegeetikka biidota, traktteta, maxeeteta, brooshureta, maxaafatanne, qassi ubbaappe aaruwan Geeshsha Maxaafaa Yihooway nuussi immiis. (2Xim 3:16) Hegaa bollikka Geeshsha Maxaafaa qonccissanawu nuna maaddiya pilgganawu goꞌettiyo miishshata I nuussi giigissiis. Hegee Wachtawur Laybreeriyaa, JW Laybreeriyi® appiyaa, Wachtawur ONLAYN LAYBREERIYAA™, qassi Yihoowa Markkati Geeshsha Maxaafaa Xannaꞌanau Maaddiya Xuufiyaa xaaxi waaxees.
Neessi giigida ha ubba miishshata goꞌettada Geeshsha Maxaafaa loyttada pilggikko neeni daro ufayttana. Ha miishshata waati goꞌettana danddayiyaakko ne xinaateta loohissana danddayaasa. Yaatikko buzo oyshaa Geeshsha Maxaafaappe pilggidi demmiyoogan etikka ufayttana.
ERISSIYO ASHKKARA OOTTIYOOGAN UFAYTTITE—YIHOOWA MAADUWAA EKKITE—PILGGANAWU MAADDIYA MIISHSHATA, GIYO BIIDUWAA BEꞌITE; YAATIDI KAALLIDI DEꞌIYA OYSHATA ZAARITE:
-
Jeeda meretaa xeelliyaagan ammanennaagaa waata qonccissadee?
-
He allaalliyaa xeelliyaagan Niita maaddiya qofaa awappe demmadee?
-
Geeshsha Maxaafaappe maaddiya qofaa demmiyoogeenne hegaa haratuyyo yootiyoogee keehi ufayssees
Jeeda oosuwan peeshshanaadan maaddiya qofaa Niita waata giigissadee?
-
Pilgganawu maaddiya miishshata goꞌettiyoogan Niita waata maadettadee?
