Israaˈeelati Zoˈo Abbaa pinni simmidi naaˈˈu aginaappe guyyiyan, Siinaa Deriyaa gakkidosona. Yihooway Israaˈeelati bawu dumma dere gidanaadan yan etaara maacettiis. I eta naagiis, qassi maanawu mannaa, wurenna maayuwaanne deˈanawu injje sohuwaa immiyoogan etawu koshshiya ubbabaa kunttiis. Neeni aawa woy aayo gidikko, Yihooway Israaˈeelatuyyo Higgiyaa, Xoossaa Dunkkaaniyaanne qeesetettaa oosuwaa aybissi immidaakko, ne naˈay akeekanaadan maadda. Nuuni gelido qaalaa naagiyoogee, nu huuphiyaa kawushshiyoogeenne ubbatoo Yihoowayyo ammanettiyoogee keehippe koshshiyoogaa minttada yoota.