Ha shaahoy, 80 gidiya layttan polettida, Kawuwaa Saaˈoolanne Kawuwaa Daawita taarikiyaa yootees. Saaˈooli koyro bana kawushshiyaanne Xoossawu yayyiya asa; shin i sohuwaara laamettidi, Yihoowawu azazettennan ixxiis. Yihooway a aggidi, a sohuwan Israaˈeelan kawotanaadan Daawita tiyana mala Sameelawu yootiis. Saaˈooli qanaatidi Daawita woranawu darotoo maliis; shin Daawiti halo kiyibeenna. Saaˈoola naˈay Yonaataani Yihooway Daawita dooridoogaa eriyo gishshawu, i Daawitawu ammanettiis. Daawiti gita nagaraa oottikkonne, Yihoowa seeraa ixxibeenna. Ne aawa woy aayo gidikko, Yihoowawunne i sunttidoogeetuyyo muletoo azazettana koshshiyoogaa ne naˈay akeekanaadan maadda.