Ha Kawotettay awugaakko eray?— Ee, Xoossaa Kawotettaa; he Kawotettay saꞌaa gannate oottana. Ha Kawotettaabaa loyttada eranau koyay?—

Kawotetta ubbau kawoy deꞌees. Kawoy ba biittaa asaa haarees. Xoossaa Kawotettaa Kawoy oonakko eray?— Yesuus Kiristtoosa. I saluwan deꞌees. I mata wode saꞌan deꞌiya ubba asaa haarana! Yesuusi kumetta saꞌaa haariyo wode nuuni ufayttanee?—

Nuuni keehi ufayttana! Gannatiyan asay ooyettenna woy olettenna. Asay ubbay issoy issuwaara siiqettana. Ooninne sahettenna woykko hayqqenna. Qooqeti xeellana, tulleti siyana, hemettana danddayennaageeti woxxananne guppana. Miyoobay ubba asau kumi palahana. Doꞌay issoy issuwaaranne asaara saruwan deꞌana. Hayqqida asay hayquwaappe denddana. Qassi neeni ha brooshuriyan etabaa tamaarido attuma asatuppenne macca asatuppe daroti, hegeetikka Ribiqa, Raꞌaaba, Daawiti, Eelaasinne harati hayquwaappe denddana! Eti denddiyo wode etaara gayttanau koyay?—

 Yihooway nena siiqees; qassi neeni ufayttanaadan koyees. Neeni ubbatoo Yihoowabaa tamaariyaabanne assi azazettiyaaba gidikko, keehi loꞌꞌiya gannatiyan merinau deꞌana danddayaasa! Neeni hegaa koyikkii?—