Ne dabbuwaara deˈiya dabbota minttanau aara haasayana koshshees. I haasayiyo wode ezggaasa, ne haasayiyo wode i ezggees. Qassi ne dabbuwaabaa loˈˈobaa denttada hara asaayyo odaasa. Xoossaara dabbo gidiyoogeekka hegaara issi mala. Geeshsha Maxaafay hegaa xeelliyaagan woygiyaakko ane akeeka:

Woosan Yihoowaara ubbatoo haasaya. “Ubba wode Xoossaa woossite.”—Roome 12:12.

Xoossaa Qaalaa, Geeshsha Maxaafaa nabbaba. “Xoossaa maxaafa ubban Xoossaa Ayyaanai de7ees. Tumatettaa tamaarissanau, balaa seeranau, mooruwaa suurissanaunne xillotetta de7uwau zoriyaa immanau maaddoosona.”—2 Ximootiyoosa 3:16.

Harata Xoossaabaa tamaarissa. “Intte biidi, asa ubbaa tana kaalliyaageeta oottite; . . . taani inttena azazidobaa ubbaa eti naagana mala, eta tamaarissite.”—Maatiyoosa 28:19, 20.

 Xoossaa dabbotukko shiiqa. “Aadhdhida eranchcha asatuura hemettiya asi aadhdhida eranchcha gidees.”—Leemiso 13:20.

Kawotettaa Adaraashshan shiiqotun beetta. “Issoi issuwaara waani siiqettanaakkonne qassi lo77o oosuwaa waati oottanaakko, issoi issuwau qoppoos. . . . issoi issuwaa minttettoos.”—Ibraawe 10:24, 25.

Kawotettaa oosuwaa kaafa. “Xoossai ufaissan immiya uraa siiqiyo gishshau, qarettiiddi woi dosennan immiyoogaa gidennan, immiya urai huuphen huuphen ba wozanan qoppidobaa immo.”—2 Qoronttoosa 9:7.