Asaa coo ixxiyoogee eesuwaara xayenna. Bayresiyaa xayssanawu wodiyaanne wolqqaa koshshiyoogaadan, asaa coo ixxiyoogaa agganawukka wodiyaanne wolqqaa koshshees. Neeni asaa coo ixxiyoogaa agganawu waatana danddayay?

“Ubbabaa issippe shiishshi qachchiya siiquwaa maayite.”—QOLASIYAASA 3:14.

Ha xiqisiyaappe nuuni ay tamaariyoo? Haratussi loˈˈobaa oottiyoogee issippetettay deˈanaadan oottees. Haratussi kaseegaappe aaruwan neeni siiquwaa bessiyo wode, darin asaa ixxennaagaa gidaasa. Kaseegaappe aaruwan asaa siiqiyoogaa neeni tamaariyo wode, asaa xeelliyaagan iita qofaa xoonanaadan hegee nena maaddana.

Neeni coo ixxido asawu siiquwaa bessana danddayiyo amarida ogeta qoppa. Hegaa oottanawu darobay koshshenna. Kaallidi deˈiyaageetuppe issuwaa woy daruwaa oottanawu mala:

• He citan deˈiya asatussi kariyaa dooyada gelissiyoogan woy etappe issuwawu kaamiyaa giddon uttiyo sohuwaa immiyoogan etawu loˈˈo eeshshaa bessa.

• Eti ne qaalaa loytti haasayennaba gidikkonne etaara haasayiyoogaa doommanawu mala.

• Neeyyo gelenna ogiyan eti issibaa oottiyo wode danddayanchcha gida.

• Eti bantta metuwaabaa neeyyo yootiyo wode qarettiyoogaa bessa.