YESUUSI issi wode, “Ekkiyaagaappe immiyaagee anjjettidaagaa” yaagiis. (Oos. 20:35) Ha qofay Yihoowaara nuuni dabbotido dabbotawukka hanees. Hegaadan giyoy aybissee? Nuuni ufayttanaadan oottiya daro imotaa Yihooway nuussi immiis, shin Yihoowawu imotaa immiyoogan hegaappe aaruwan ufayttana danddayoos. Nuuni Yihoowawu immana imotay aybee? Leemiso 3:9y, Yihoowa “ne duretettan bonchcha” yaagees. Nu ‘duretettay’ nu wodiyaa, nu eraa, nu wolqqaanne nu aquwaa. Nuuni hegeeta tumu goynuwawu goˈettiyo wode, Yihoowawu imotaa immoos, qassi yaatiyoogee nuna keehi ufayssees.

Nu aquwaara gayttidaagan, nu imotaa Yihoowawu immiyoogaa ubbatoo hassayanaadan aybi maaddanee? Kiitettida PHawuloosi Qoronttoosa Kiristtaaneti immanawu ‘dagayanaadan’ woy amaridabaa wottanaadan yootiis. (1 Qor. 16:2) Intte biittan miishshaa immiyo ogiyaabaa gujjada eranawu koyikko, waatana danddayay? Hayyanaa kaallidi deˈiya saaxiniyaa xeella.

Intterneetiyan immana danddayettiyoy ubba biittaana gidenna. SHin immiyo hara ogetubaa miishshaa immiyoogaabaa yootiya sinttan demmana danddayettees. Issi issi biittan, miishshaa immiyoogaara gayttidaagan darotoo oychchiyo oyshatu zaaruwaa qonccissiyaabay he sinttan kiyees.