Nuuni nu xuufiyawu miishsha qanxxissenna gishshawu, issoti issoti hegeeta ekkidi hara websaytiyan woy soshiyal miidiyan (ooninne koyobaa xaafana woy oottana danddayiyoosan) wottana danddayettiyaabadan qoppoosona. SHin yaatiyoogee nu xuufeta Goˈettiyo Wogaa * kanttiyooba, qassi hegee deexo metuwaa kaalettiis. He Wogay qonccissi yootiyoogaadan, ooninne “ha websaytiyaappe ekkidi misiliyaa, elektroonikiyan giigida xuufeta, zalˈˈe malaatata, muuziiqaa, pootota, biidota woy xaafettida issi yohuwaa Intterneetiyan (ay websaytiyankka, payle immiyo ay saytiyankka, biiduwaa immiyo ay saytiyankka, woy ay soshiyal networkiyankka gidin) wottana danddayenna.” Hegaadan diggana koshshidoy aybissee?

Nu websaytiyan deˈiyaabaa ubbaa duuquwaabaa maatay nuugaa. Kaddidaageetinne eqettiya harati Yihoowa Markkata woy harata cimmanawu nu xuufeta goˈettanawu maloosona. Nabbabiyaageeti siranaadan oottanawu giigidabay hegaa mala websaytetun kiyees. (Maz. 26:4; Lee. 22:5) Harati erissuwan, bayzzanawu giigissiyoobaaninne moobayliyaa appetun nu xuufetun kiyidabaa woy jw.org malaataa goˈettidosona. Duuquwaabaa maataynne zalˈˈe malaataa naagissiyo maatay nuuyyo deˈiyoogee asay bessenna ogiyan goˈettennaadan higgiyan oychchanawu maaddees. (Lee. 27:12) SHin asay, haray atto nu ishanttikka nuuni elektronikiyan kessidobaa hara saytiyan wottanaadan, woy qassi issibaa bayzzanawu jw.org malaataa goˈettanaadan nuuni eriiddi eeno giikko, eqettiyaageetanne zalˈˈanchchata digganawu nuuni baaxetiyoode pirdda keettati nuna kaafennan aggana danddayoosona.

  Nu xuufeta jw.org gidennan hara saytiyaappe ekkiyoogee qohana danddayees. Yihooway ayyaanaa qumaa giigissiyo maataa ‘ammanettida wozannaama ashkkaraa’ xallawu immiis. (Maa. 24:45) He ‘ashkkaray’ ayyaanaa qumaa asawu gattanawu higgiyan erettida ba websaytetu—www.dan124.com, tv.dan124.com, qassi wol.dan124.com xallaa goˈettees. Hegaa bollikka, moobayletun goˈettanawu giigida, higgiyan erettida heezzu appetu—JW Language^®, JW Library^®, qassi JW Library Sign Language^® xallay deˈoosona. Hageetun erissoti woy Seexaanaa alamiyaa hambbalaashoy baynnaagaa ammanettana danddayoos. Ayyaanaa qumay hara ogiyaara kanttikko, laamettibeennaagee woy hambbalaashettibeennaagee aybinkka erettenna.—Maz. 18:26; 19:8.

Qassikka, koyidobaa xaafiyo websaytiyan nu xuufeta wottiyoogee kaddidaageetinne boriya harati Yihoowa dirijjitiyan ammanettennaadan oottiyaabaa zeranaadan oottees. Issi issi ishantti cimettidi Intterneetiyan haratuura palamettidosona, yaatiyoogan eti Yihoowa sunttaa gujjidi borissiyaabaa oottidosona. Intterneetiyan gayttiyoobay ‘ixxiyaageeta ashkketettan seerana’ bessiyoosa gidenna. (2 Xim. 2:23-25; 1 Xim. 6:3-5) Qassi soshiyal miidiyan dirijjitiyaa sunttan, Bolla Gididi Heemmiyaagaa sunttaaninne A yaratu sunttan wordduwan giigidabay deˈiyoogaa akeekida. SHin Bolla Gididi Heemmiyaagaa yaratuppe issoynne ba sunttan goˈettiyo websaytee baawa, woy etappe issoynne soshiyal miidiyaa goˈettenna.

Asay jw.org saytiyaa goˈettanaadan yootiyoogee “mishiraachchoi” darosaa gakkanaadan maaddees. (Maa. 24:14) Nuuni elekitronikiyan giigidabaa haggaazuwan goˈettanaadan maaddiyaabati ubbatoo loˈˈi loˈˈi boosona. Nuuni asay ubbay hegeetun goˈettanaadan koyoos. Yaatiyo gishshawu, Goˈettiyo Wogan odettidaagaadan, elekitronikiyan giigida xuufe woy jw.org saytiyan deˈiyaabaa kessiyo linkiyaa issi urawu imeyliyan kiittana danddayaasa. Eranawu koyiya asawu higgiyan erettida nu websayteta yootiyoogan, issi tumu pulttuwaappe, hegeekka ‘ammanettida wozannaama ashkkaraappe’ ayyaanaa qumaa demmanaadan nuuni eta maaddoos.