TUMINHAPKARY 48

Piwidya kaimenaimen pyminhaydaꞌynau nii

PLAY

Kaimenaꞌu wyryy waikudan dun waminhaydaꞌynau nii, wakunaykiitin kiz in tym naꞌik kaminkeꞌytaꞌu nii waynau wadubtan dun kaxaꞌapannaa kidiaꞌu aimeakan. Mazan Tuminkery Karichian kakinhautan waynau, aunaa ipei man pidian kaimenaꞌu minhaydaꞌyi nii. Ykayꞌan, naꞌapam nii piaichipan xaꞌapauran kaimenaꞌu minhaydaꞌyi pyꞌat? Pidiꞌitinhap diuraz aimeakan kid daꞌy.

1. Naꞌapam minhaydaꞌyinhau xaꞌaptin kidian pygary?

Wakaminhaydaꞌytinpen dun pidiannau tym uu panadun karikeunan wakadakuinpeyzun in tym, atii internet idiaꞌan, watamakpan nii inkadyz kid. Panadun kaimenaꞌu nii waꞌat uu aunaa. Naꞌap Tuminkery Karichian kian kawan: “Kanum chiꞌikpan dun aichipabainhau tym, yryy aichipabaꞌu nii kapam, mazan kanum baukuptinhan dun ma aichipikeinhau tym, ybaiaapan nii uiaꞌu.” (Proverbs [Provérbios] 13:20) Pyminhaydaꞌychipan dun pidian marainpeꞌu Yewah naꞌik puchurytinpeꞌu yꞌat ykaminkeꞌytan nii pymaunapadinhan pauwaꞌa zii Yewah diꞌit naꞌikim wyryy kaimenaꞌu minhaydaꞌyi kaminkeꞌytan nii pyxaꞌapatinhan kaimenaꞌu idiaꞌan. Mazan pyminhaydaꞌychipan dun pidian aunaꞌuraz ymarainpen Yewah panadun ytanawatkidian nii pygary Yewah ai. Yryy id, Tuminkery Karichian tuminhapkidian wawidya kiz kaimenaꞌu minhaydaꞌyinhau waꞌat! Waminhaydaꞌynau marainpen dun Yewah, kaimenaꞌu nii waꞌat naꞌik in at kapam. Naꞌap ‘wamaꞌuzakaadakan nii wamixidian waꞌatiaaka’. — 1 Tessalonians (1 Tessalonicenses) 5:11.

2. Naꞌapam Yewah abatinpen piwidiayan dun kaimenainhau pyminhaydaꞌynau nii?

Yewah widya kaimenaimen pidian kaminhaydaꞌytinpeꞌu pa tym. “Yminhaydaꞌychiap pauwaꞌa zii kaimenainhau pidiannau”. (Proverbs [Provérbios] 3:32) Naꞌap dii man Yewah abatinpen waminhaydaꞌychipan dun pidiannau aunaꞌuraz inmarainpen yryy? Tyykiaꞌu nii ynhikynyy kaxaꞌuran! (Piaichi James [Tiago] 4:4.) Wawidyian an waminhaydaꞌynau nii suu pidiannau marainpeinhawyz Yewah, kunaykiaꞌu nii Yewah naꞌik yaipen nii wakaminhaydaꞌytinpen pa tym. — Psalm (Salmo) 15:1-4.

PYTUMINHAP PAUWAꞌA ZII

Kandii nii piwidya kiz kaimen pyminhaydaꞌynau nii. Naꞌik naꞌapam nii pi ikudan minhaydaꞌyinhau kaminkeꞌytaꞌu nii pyxaꞌaptan kaimenaꞌu.

3. Pyzaydinhap paꞌi pyminhaydaꞌychipan ai dikeydainhau

Pidiannau aunaꞌuraz inmarainpen Tuminkery naꞌik aunaꞌuraz in izuꞌutin ykakinhauri kid, inhau dikeydaꞌu minhaydaꞌyinhau. Yawynyytap VÍDEO. Ydaynaꞌan ykadakuinhap diuraz aimeakan kid daꞌy:

VÍDEO: Pyzaydinhap pyminhaydaꞌychipan ai dikeydainhau (6:17)

Aunaa dun wazaidinhan, naꞌapam nii dii maskaydaꞌy idiaꞌan wakaminhaydaꞌytinhan uinheinhau pidiannau tym?

Yaichi 1 Corinthians (1 Coríntios) 15:33. Ydaynaꞌan ykadakuinhap diuraz aimeakan daꞌy:

Xaꞌapauran pidian aunaa kaimenaꞌu minhaydaꞌyi man pyꞌat? Kandii nii?

Yaichi Psalm (Salmo) 119:63. Ydaynaꞌan ykadakuinhap diuraz aimeakan daꞌy:

Xaꞌapauran pidian piaipen pyminhaydaꞌy nii?

Baydap zamaꞌu maçã tyryy ypatakaꞌyan bauran maçãinhau ydazaba au. Naꞌapam suu baydap dikeydaꞌu minhaydaꞌyi tyryy ypatakaꞌyan pygary?

4. Tyryy waminhaydaꞌychipan pabiꞌinaak kidiaꞌu pidiannau

Tuminkery Karichian kuwadan diaytam daunaiuranau israelitasannau daꞌy, baydap Jonatã naꞌik bauran Davi. Jonatã, yryy kazuwaytpaꞌu dan, yryy pauwaꞌa zii ytynarynawyn Davi ai. Mazan ypyꞌy maꞌuzaka intaapan pakaminhaydaꞌytinpeakan. Yaichi 1 Samuel 18:1. Ydaynaꞌan ykadakuinhap diuraz aimeakan daꞌy:

Kainhaꞌa paꞌinhainhau, maskunaunau, tynarynaunau, kapyraataniinhau naꞌik mapyraataniinhau. Kandii nii aunaa kiz wakaminhaydaꞌytinpen suu pidiannau tym naꞌapaꞌu wakawan?

Yaichi Romans (Romanos) 1:11, 12. Ydaynaꞌan ykadakuinhap diuraz aimeakan daꞌy:

Naꞌap dii minhaydaꞌyinhau marainpeinhawyz Yewah maꞌuzakadaꞌakan?

Yawynyytap VÍDEO pytykap kinha nii naꞌap dii painhaꞌu daunaiura ikudan paminhaydaꞌynau nii, aunaꞌu yzaydapnii man. Ydaynaꞌan ykadakuinhap diuraz aimeakan daꞌy:

VÍDEO: Ykaxaꞌapanym pyꞌy mazan pi ikudan nii kaimenaꞌu minhaydaꞌyi (5:06)

Vídeo idiaꞌa, kandii nii Akil darynau dupian ykaminhaydaꞌytinpen id pamin paꞌinhan tym escola ii?
Kandii nii Akil sakadan pakaminhaydaꞌytinpen wyryy paꞌinhainhau tym escola ii?
Kiwiin yabatinpeyznii pabaurantin, naꞌap dii ymaxaadan pa abatinpen naꞌap?

5. Naꞌapam nii waikudan kaimenaꞌu minhaydaꞌyinhau?

Pytykap naꞌapam nii pi ikudan mixiꞌu minhaydaꞌyi. Pytykap kapam naꞌapam kiz pytanautinhan kaimenaꞌu minhaydaꞌyi nii. Yawynyytap VÍDEO.

VÍDEO: Naꞌapauram dii mixiaꞌuraz minhaydaꞌyi? (4:14)

Yaichi Proverbs (Provérbios) 18:24 naꞌik 27:17. Ydaynaꞌan ykadakuinhap diuraz aimeakan kid daꞌy:

Naꞌapam kaimenainhau minhaydaꞌyinhau kaminkeꞌyaakan?
Kainhaꞌa pyminhaydaꞌynau inhau kadyz? Aunaan an, kanum kiz pyxaꞌapat pi ikud kinha nii kaimenaꞌu minhaydaꞌyi pyꞌat?

Yaichi Philippians (Filipenses) 2:4. Ydaynaꞌan ykadakuinhap diuraz aimeakan daꞌy: