TUMINHAPKARY 38
Pykunaykikid naꞌikim pytaap kaimen kakypkary taakariwez pyꞌat
Kakypkary idiaꞌan tyryy waxaꞌaptan dirib pabiꞌinaak kidiaꞌu aimeakan. Wadubatpan pyꞌy kaxaꞌapannaa kidiaꞌu aimeakan, mazan ypyꞌy tyryy wakunaykian. Ykayꞌan, naꞌap dii wa aidyan wataapan kaimen wakakypan? Mazan kandii nii wataap kiz kaimen wakakypan?
1. Kandii nii wataap kiz kaimen wakakypan?
Wataap kiz kaimen wakakypan, yxaꞌapanym kayꞌan waDary Yewah pakamarainpenyn id ytaanii waꞌat kakypkary. Yryy ‘wyryy tumaꞌuraz kakypkary’. (Psalm [Salmo] 36:9) ‘Ytaa kakypkary ipei pidiannau at, naꞌik ytaa ipei aimeakan in aiapnii.’ (Acts [Atos] 17:25, 28) Diuraz saadinpeꞌu aidya Yewah taa waꞌat ipei aimeakan wa aiapnii wakakyp kinha nii. Mazan ytaa pauwaꞌa zii. Ytaa waꞌat kapam ipei aimeakan wamaxaap kinha nii kunaykii. — Piaichi Acts (Atos) 14:17.
2. Naꞌap dii wa aidiyan Yewah at kaimen wataapan kakypkary ytaaniaz waꞌat?
Kutyaꞌanaa Tuminkery Puchury y yy Davi, yturinpeyzun kaikepaꞌa: “Atii piawyn tykapnii ungary untuminhan dun undaru tuba nazuu ii.” (Psalm [Salmo] 139:16) Diura saadinpeꞌu aidyan Yewah marainhapnii naa pygary pydaru kaydanin diꞌik. Ymanawynyꞌu wyryy pykakypan Yewah at. (Piaichi Matthew [Mateus] 10:29-31.) Tyykii Yewah nhikynyy kaxaꞌuran pidian zuian dun bauran pidian uu yzuwiinhan dun kapam, yxaꞌapanym kayꞌan ymanawynyꞌu wyryy pidian kakypan yꞌat. (Exodus [Êxodo] 20:13) a (Pytykap kainharibei.) Tyykii Yewah kaxaꞌuran kapam, aunaan an wazaydinpen wabayzainhan ai naꞌikim aunaan an wakarudpan wabayzainkidian ai baurainhau. Wataapan dun kaimen wakakypan naꞌikim wakarudpan dun baurainhau kakypan, naꞌap wa aidyan wakunaykikid wyryy kakypkary Yewah taaniaz waꞌat.
PYTUMINHAP PAUWAꞌA ZII
Pytykap pabiꞌikid aimeakan kaimen kiz pytaapan kakypkary Tuminkery taaniaz waꞌat.
3. Kaimen pytaap piziwyn
Waynau Yewah Puchurynau, wataanii waparadan Yewah at, wataapan nii wakakypan wakaydin kinha nii yꞌat. Ykayꞌan wataainhan wyryy, ipei wananaa idiaꞌan Tuminkery at. Yaichi Romans (Romanos) 12:1, 2. Ydaynaꞌan ykadakuinhap diuraz aimeakan kid:
-
Naꞌap diuraz saadinpeꞌu kian kawan, kandii nii pytaap kiz kaimen pynanaa ziu kiz pymaxaapan?
-
Naꞌapam nii pytaapan kaimen piziwyn?
4. Pyzaydinhap paꞌi aunaa kiz pybayzainkidian uu pyzuikidian pidian
Tuminkery Karichian kakinhautan waynau, aunaa kiz waxaꞌapaapan kichanaꞌitikiaꞌu aimeakan kid. Yawynyytap VÍDEO pytykap kinha nii naꞌapam tyryy pyxaꞌaptan kaimen aimeakan kid, aunaa kiz pybayzainhan uu pybayzainkidian baurainhau.
Yaichi Proverbs (Provérbios) 22:3. Ydaynaꞌan ykadakuinhap naꞌapam nii pygary naꞌikim baurainhau ykarudpan ynau kakypan . . .
-
ydap idiaꞌa.
-
ykaydinkiz diꞌii.
-
ymakinhautinhan dun.
-
ydirigipan dun uu ychiꞌikipan dun jipi kadyz idiaꞌan.
5. Pytaap paꞌi kaimen kuraidiaunaa sud aunaꞌuraz zii yxaktan
Davi kuwadan Yewah aichiap naꞌikim ytykap ipei kanum xaꞌap kuraidiaunaa sud tym yxaktan iaꞌii. Yaichi Psalm (Salmo) 139:13-17. Ydaynaꞌan ykadakuinhap diuraz aimeakan daꞌy:
-
Yewah at, kuraidiaunaa sud kakypan sakadinhan ydaru kaydanin diꞌik uu yxaktan daynaꞌan?
Kainhaꞌu daꞌi kakinhaurii Yewah taanii israelitainhau at, kazanatpaꞌu nii darui naꞌikim kuraidiaunaa sud aunaꞌuraz zii yxaktan. Yaichi Exodus (Êxodo) 21:22, 23. Ydaynaꞌan ykadakuinhap diuraz aimeakan kid daꞌy
-
Pidian bayzankidiaꞌuraz zynaba kaydaniꞌu, aunaa pa aipen atiꞌu man padamat, mazan yryy id udan maukan. Kutyaꞌanaa naꞌapam Yewah kian, kanumaꞌu nii xaꞌap pidian tym wautkidiaꞌuraz kaydaniꞌu dan utybaichiapniaz ziꞌi?
-
Naꞌap dii Yewah abatinpen pidian pa aipen atiꞌuraz ypurutkidian kuraidiaunaa sud? b — Pytykap kainharibei.
-
Ymanawynyꞌu Tuminkery taapan kuraidiaunaa sud kakypan aunaꞌuraz zii yxaktan. Aizii pygary man, naꞌapam pidiꞌitinpen?
Atii zynaba uaichiapnii naa padamat, kaimen kiz pidian taapan kakypkary, mazan panadun udubatpan id kaxaꞌapannaꞌu kidiaꞌu, uitiimen kaimenaꞌu nii papurutkidian paydan. Yaichi Isaiah (Isaías) 41:10. Ydaynaꞌan ykadakuinhap diuraz aimeakan kid daꞌy:
-
Pidian mizdyan dun zynaba upurutkid kiz paydan, kanumaꞌu nii udurut kaminkeꞌytaꞌu nii paygary? Kandii nii?
PABIꞌIKID PIDIANNAU KIAN: “Panadun zynaba dubatpan id kaxaꞌapannaꞌa kidiaꞌu, aunaa yxaꞌapan upurutkid kidian paydan.”
-
Kanum maꞌuzakadaꞌu pimixidian Yewah karudpan zynaba kaydaniꞌuraz naꞌikim udan sud utuba nazuaꞌu zii?
WATUMINHAPNII
Tuminkery Karichian tuminhapkidian wamarainhap kiz naꞌik wataap kiz kaimen wakakypan. Tuminkery aipen wakarudpan wakakypan naꞌikim baurainhau kakypan kapam. Ytaanii wyryy kakypkary waꞌat.
Watykap kuxan
-
Kandii nii kakypkary ymanawynyꞌu Yewah at?
-
Naꞌap dii Yewah abatinpen pidian zuian dun bauran pidian, uu yzuwiinhan dun uu pidian purutkidian dun kuraidiaunaa sud?
-
Kandii nii pykarudap kiz pykakypan naꞌikim baurainhau kakypan?
PIAICHIPAꞌAZUN PAUWAꞌA ZII?
Naꞌap dii wakunaykikidian Yewah ytaan id kakypkary waꞌat?
Kynyi 141: Kakypkary: Ymanawynyꞌu aimeakan Tuminkery tuminii (2:41)
Tyryy man Tuminkery kamynynkidian zynaba purutkidiaꞌu paydan?
Yewah karudap pidian kakypan, yryy id kandii nii wadiꞌitinhap kiz kaimenaimen naꞌapam nii wamakinhautinhan uu wakunaykiitinhan.
“‘Esportes radicais’ — Kaimenaꞌu man wyryy?” (Wapukud!, 8 de outubro de 2000)
Pidian diꞌitinpen an pazuwiinhan daꞌy? Pytykap naꞌapam nii dii Tuminkery Karichian kaminkeꞌytan naꞌap kidiaꞌu daꞌy.
a Kainharibei: Yewah aichiap naꞌapauram pidian zuinhazuꞌuraz abatinpen panhikynyy ii, tyykii Yewah kaminkeꞌytaꞌazun pidian naꞌapaꞌu. Maunap Yewah pidiannau diꞌit dupitainhawyz innhikynyy. (Psalm [Salmo] 34:18) Piaichiap kinha nii naꞌapam Yewah kaminkeꞌytaꞌazun pidiannau diꞌitinpeꞌuraz pazuwiinhan daꞌy, piaichi seção “Piaichipaꞌazun pauwaꞌa zii?” idiaꞌa, diuraꞌa saadinpeꞌu idiaꞌa: “Unmaukaꞌazun — Tyryy man Tuminkery Karichian kaminkeꞌytan ungary undiꞌitinpen an unzuwiinhan daꞌy?”.
b Kainharibei: Zynaba purutkidiaꞌu paydan patuminpen iaꞌii Tuminkery Paradan daꞌy, aunaa kiz ukaxaꞌurtinhan uxaꞌaptan id naꞌapaꞌu, tyryy Yewah kamynynkidian u uian. Piaichiap kinha nii pauwaꞌa zii naꞌapaꞌu daꞌy, piaichi seção “Piaichipaꞌazun pauwaꞌa zii?” idiaꞌa, diuraꞌa saadinpeꞌu idiaꞌa: “Naꞌapam Tuminkery Karichian kian pidian purutkidian daꞌy paydan?”.
