16. Pymarinhaꞌataꞌa naa pyxaꞌapapayznii aimeakan aunaꞌu Tuminkery naydapan
1. PABIꞌIKID AIMEAKAN PIDIAN XAꞌAPATAN WYRYY PANAꞌITIꞌU CHUUCHINHAU DIꞌIKIꞌU
Yewah kian: ‘Ymyydinhaꞌa naa naꞌik ybyytinhaꞌa naa uiainhau ai. Manaꞌa ypixataꞌanaꞌa uu yxaꞌapaapaꞌanaꞌa uiaꞌu naꞌik dikeyd kidiaꞌu aimeakan.’ — 2 Corinthians (2 Coríntios) 6:17
Kandii nii wakaiween dun tumkariweinhau uiaꞌu wyryy naꞌik waturinpen dun maukanhau at?
Acts (Atos) 17:29, 30; 1 Corinthians (1 Coríntios) 10:14
Aunaa Yewah aipen wakuduryꞌykan paꞌat tumkariweinhau idiaꞌan.
Deuteronomy (Deuteronômio) 18:10-12; Galatians (Gálatas) 5:19, 20
Pidiannau diꞌitinpenhayz intiꞌimen mixiꞌu nii paparadan maukanhau tym, mazan aunaa maukanhau tymaꞌu man yparadan, suu uiaꞌu durunainhau tymaꞌu yparadan.
2. PABIꞌIKID KUNAYKITINKERY KAMUUN AUNAA YSAKICHIPAN TUMINKERY AWYN ZAꞌA
“Ykayꞌan ytuminpeꞌa naa, yaichiap kiziꞌi naa naꞌapam maxaapkary Tuminkery aipen kawan at.” — Ephesians (Efésios) 5:10
Naꞌapam tyryy piwidiayan pymaku man kunaykitinkizei it uu aunaa?
Ezekiel (Ezequiel) 44:23; 2 Corinthians (2 Coríntios) 6:14, 15
Piaichiap kiz kainhaꞌa aimeakan aunaꞌu Tuminkery naydapan kunaykitinkery diꞌii.
1 Corinthians (1 Coríntios) 10:7-11
Pidian xaꞌapatan pyꞌy kunaykitinkery kaimenaꞌu panhikynyy kawan atiꞌu, mazan panadun aunaa Tuminkery naydapan aunaa id ysakichipan.
Mark (Marcos) 6:21-28; John (João) 18:36
Aunaa kiz pytaapayzun pinhikynyichap kinha nii wizai kamuun uu pidian kamuun.
1 Timothy (1 Timóteo) 1:18, 19
Marii kiz pidiꞌitinpen kaimenaimen naꞌik piwidiayan idiaꞌan aimeakan pamaxaapakinha nii kaimen panhikynyy ii naꞌap Tuminkery aipen kawan at.
3. MARII KARIKEUNAN WAPARADAN KAIMENAꞌU IDIAꞌAN
‘Marii kiz karikeunan in abatan ykadakutinhan kaimen naꞌik kunaykii. Naꞌik yaichap kiz paꞌi naꞌapam ydakuꞌatin inparadan, inpixaan dun ynau.’ — Colossians (Colossenses) 4:6
Naꞌapam tyryy wakuwadan wamixidian aimeakan daꞌy baurainhau at?
-
Aunaa kiz pydakuupan kanum pidian widiyaniaz paꞌat naꞌap aunaan dun piaipen indakuupan pygary kapam.
-
Marii karikeunan piaidyian pykamaraipenyn baurainhau at naꞌik aunaa kiz pykaxadakun baurainhau at pimixidian dikin ii.
-
Pidian pixan dun pimixidipan daꞌyan kunaꞌiaydaꞌy idiaꞌan naꞌik kaimenaꞌu idiaꞌan pydakuꞌat indiayn.
-
Pybaukuptin wamin mixidianau tym, inkaminkeꞌytan nii pygary naꞌik pytuminpen nii naꞌapam tyryy pykuwadan baurainhau at pimixidipan daꞌyan.
