3. Kandii nii Tuminkery tuman imiꞌi baraa naꞌik pidiannau?
1. TUMINKERY DIꞌITINHAPNII PATUMAN IAꞌII WAYNAU
“Kunaykiaꞌu nii wynauꞌu aunaꞌuraz in atadinpeyzun, Tuminkery taan nii ipei imiꞌibaara in idiway nii.” — Matthew (Mateus) 5:5
Kandii nii Tuminkery tuman waynau?
Genesis (Gênesis) 1:28; Acts (Atos) 17:26
Tuminkery aiapnii pidiannau tuman paydainhau, intaapan niꞌu imiꞌi baara naꞌik yzainhau kapam. Yaiapnii ipei imiꞌi baara paidiꞌatkau kunaynymaꞌu amazada nii.
-
Tuminkery xaꞌapatan nii kanum paxaꞌapatazuniaz pidiannau at naꞌik imiꞌi baara at, aunaꞌu nii kanum maxaatan yryy.
2. KANDII NII KAXAꞌAPANNAA MAXAAPKARY
“Ipei pidiannau aunaꞌuraz in aichipan Tuminkery. Siitan kazuwaytapnii indiayn.” — 1 John (1 João) 5:19
Kanum kazuaytipaꞌu ipei amazada?
-
Disu kian Siitan yryy kazuaytipaꞌu ipei amazada.
-
Siitan aipen aimeakan aunaꞌuraz paidiwery man. Yaipen pidiannau kuduryꞌykan paꞌat.
Romans (Romanos) 5:19; 2 Corinthians (2 Coríntios) 11:3
Siitan maridyatan Eve. Adam naꞌik Eve dikinchipyn Tuminkery. Yryy id, Adam tynarynawyn naꞌik Eve maskunawyn idaynaꞌan inmaukan.
Romans (Romanos) 3:23 naꞌik 5:12
Wamaukan ixaꞌapanym id wa waꞌatin Adam diꞌikiꞌu.
2 Corinthians (2 Coríntios) 4:3, 4
Siitan yryy maridipayz pidiannau.
3. TUMINKERY NAUBUNAITINPEN SAABAN NII IPEI AMAZADA
‘Marii kiz pynaubunaitinhan. Marii kiz yxaꞌapan piaipen kawan at daꞌaꞌa imiꞌi baaraꞌa.’ — Matthew (Mateus) 6:10
Kanumaꞌu nii Yewah xaꞌapat?
Daniel 2:44; Revelation (Apocalipse) 11:15
Dinheiꞌiti, Tuminkery Naubunaitinpen dun suu yryy kazuaytipan nii ipei imiꞌi baaraꞌa.
Revelation (Apocalipse) 16:14-16
Tuminkery mainhabatan nii ipei dikeyd kidiaꞌu aimeakan mizatakary idiaꞌan wyryy dakutkau Armagedom.
-
Yewah widiaynii Disu Naubunai nii aukaz ii. Naꞌikiꞌu nii Disu kazuaytipan nii ipei imiꞌi baaraꞌa.
4. IMIꞌI BAARA KUNAYNIMAꞌU NII AMAZADA
“Ipeiꞌu nii yinuan in awyn yy kid, aunaꞌu niꞌi naa puwaꞌa pidian mawakan, uu kaxaꞌuran, uu zaadayzun uu baiaapan kaziwaꞌu. Yxaꞌapanym kayꞌan kiwiichapaꞌuraz uiaꞌu xaꞌapatayz kariwei kidaz mainhaabatkau idiꞌi naa.” — Revelation (Apocalipse) 21:4
Kanumaꞌu nii xaꞌap Tuminkery Naubunaitinpen dun?
Psalm (Salmo) 46:9
Mizatakary, kuidimikitinkery, naꞌik zuiakary aunaꞌu niꞌi naa pauwaꞌa.
Isaiah (Isaías) 65:21-24; 2 Peter (2 Pedro) 3:13
Ipei pidiannau kainhaꞌu nii indapy kunaynam kidiaꞌu nii naꞌik kazakapyn kidiaꞌu nii, inmaxaapan nii kaimen.
Psalm (Salmo) 72:16; Revelation (Apocalipse) 7:16
Ipeꞌu nii pidiannau kainhaꞌu nii diriꞌi wanhikynii inꞌat.
Isaiah (Isaías) 11:6-9
Mawadibeꞌu nii ipei yzainhau. Pidiannau aunaꞌu nii naa inpatakaꞌytan paꞌyznau.
Isaiah (Isaías) 33:24; Acts (Atos) 24:15; Revelation (Apocalipse) 22:2
Aunaꞌu niꞌi naa pauwaꞌa pidian karinhan. Maukanhau kadixitkidkeu nii inmaxaapan niꞌi naa daꞌaa imiꞌi baara idiaꞌa.
