Kanum wyryy Tuminkery?
Dirib pidiannau inkian: unmixid Tuminkery. Mazan pipixaan dun in at kanum wyryy Tuminkery, indakuꞌitin nii pabiꞌinaak kid aimeakan Tuminkery daꞌy. Pabiꞌi kid pidiannau inkian, Tuminkery patakaꞌyt pidiannau inxaꞌaptan dun uiaꞌu. Baurainhau diꞌitinpen, Tuminkery karikeunanyꞌu ykamarainpenyn naꞌik ykamynanyn kid in uian, inhau at aunaa yxaꞌapan inxaꞌaptan dun aimeakan uiaꞌu. Kainhaꞌa baurainhau inkian mynapyꞌu manawyn Tuminkery pidiannau ai naꞌik aunaa ynhikynyatin inhau. Pabiꞌinaak kid aimeakan pidiannau diꞌitinpen Tuminkery daꞌy, yryy id dirib pidiannau in itiimen aunaa naꞌapam in aichipan naꞌapauram wyryy Tuminkery.
Kaimenaꞌu nii man piaichipan kaimenaimen Tuminkery daꞌy? Uu kaimenaꞌu nii. Pytuminpen idiaꞌan kaimenaimen Tuminkery daꞌy, pi ikudan nii dirib kaimen kidiaꞌu aimeakan pyꞌat. (Acts [Atos] 17:26-28) Naꞌik pytuminpen dun pauwaꞌa zii Tuminkery daꞌy, pauwaꞌu nii zii ymarainpen naꞌik ykaminkeꞌytan pygary. (James [Tiago] 4:8) Naꞌikim, piaichipan idiaꞌan kaimenaimen Tuminkery daꞌy, tyryy pi ikudan karikeunanyꞌu kakypkary. — John (João) 17:3.
Naꞌapam nii piaichipan kaimenaimen Tuminkery daꞌy? Pidiꞌichap pidian pyminhaydaꞌychipaniaz, pi aichiap yryy kaimenaimen. Naꞌap dii ynau sakadan ykaminhaydaꞌytinpen? Kiwiin piaichipan yꞌyy, ykadyz kid daꞌy, kanum ynaydap uu aunaa, kanum yxaꞌapatnii naa naꞌik kanum yxaꞌaptaꞌazun. Kandii nii pyminhaydaꞌychipan wyryy pidian? Pyminhaydaꞌychipan yryy yxaꞌapanym kayꞌan piaichiap kaimenaimen ydaꞌy.
Naꞌap kapam, wa aichipan nii Tuminkery daꞌy watuminpen dun diuraz kid daꞌy:
Diuraz karichi kaminkeꞌytan nii piaichipan naꞌapam Tuminkery Paradan kuwadan kaimenaimen ydaꞌy. Bauran tuminhapkary kid diuraz karichi idiaꞌa kaminkeꞌytan nii piaichipan kanum wyryy Tuminkery naꞌikim xaꞌapauran kaimen kidiaꞌu aimeakan pi ikudan nii pyminhaydaꞌychipan dun Tuminkery.
