Watuminhapnii naa: Kanum wyryy Tuminkery? Tuminkery kuwad paꞌyy paKarichian idiaꞌa, y yy Yewah, naꞌik ykamarainpenyn yryy wyryy ymanawynyꞌuraz ykadyz. Watykapnii kapam, kanum Tuminkery xaꞌapatnii naa naꞌik kanumaꞌu nii zii yxaꞌaptan pidiannau at. Kainhaꞌa zii dirib aimeakan watuminhap kiz Tuminkery daꞌy. Mazan panadun pidiꞌitinpen: ‘Kandii nii untuminhap kiz kaimenaimen Tuminkery daꞌy?’

Yewah kian, “pydurutan dun yryy, ytaapadan nii pi ikudan yryy”. (1 Chronicles [1 Crônicas] 28:9) Pydurutan dun Tuminkery naꞌik piaichipan dun yryy, kunaynymaꞌu aimeakan xaꞌapan nii py tym: “pyminhaydaꞌychipan nii Yewah Tuminkery”! (Psalm [Salmo] 25:14) Xaꞌapauran kaimen kidiaꞌu pyzamtan nii pyminhaydaꞌychipan dun Tuminkery?

Pi ikudan nii mixiꞌu kunaykiikery. Tuminkery Karichian kian, Yewah yryy ‘Kunaykiaꞌu Tuminkery’. (1 Timothy [1 Timóteo] 1:11) Pyminhaydaꞌychipan dun Tuminkery naꞌikim pytiweinhan dun pyxaꞌapatinhan yryy kawan, kaminkeꞌytan nii pi ikudan mixiꞌuraz kunaykiikery, pyxaꞌapatinhan dun naꞌap, kaimenaꞌu nii pynanaa at, pyzuway at naꞌikim pinhikynyy at. (Psalm [Salmo] 33:12) Pymaxaapan nii kaimen, pyxaꞌaptan dun kaimen kidiaꞌu aimeakan naꞌik aunaa dun pyxaꞌaptan dikeydaꞌu patakaꞌyaꞌu nii pygary naꞌik baurainhau. Ynaꞌapan an, pyxaꞌapatinhan nii naꞌap salmos karichian kian kawan, ykian: “Un at, kaimenaꞌu unmaunapadinhan Tuminkery diꞌit.” — Psalm (Salmo) 73:28.

Tuminkery taapan nii pygary. Yewah kian papuchurynau at: “Un awynytpan nii pyꞌat kaimenaimen unkakinhawan dun pygary.” (Psalm [Salmo] 32:8) Yewah taap papuchurynau baydap baydap kid naꞌik ytaa in at ipei aimeakan inmaxaap kinha nii. (Psalm [Salmo] 139:1, 2) Pykaminhaydaꞌytinpen dunuꞌu naa kaimenaimen Yewah tym, pytykpan nii karikeunan kainhaꞌu nii yryy pydazubaꞌa kaminkeꞌytaꞌu nii pygary.

Pi ikudan nii kaimen kidiaꞌu aimeakan diinheꞌitiꞌi. Yewah kaminkeꞌytan nii pymaxaapan kunaykii aizii naꞌik diinheꞌitiꞌi. (Isaiah [Isaías] 48:17, 18) Tuminkery Karichian kian: “Kaikepaꞌu wyryy karikeunanyꞌuraz kakypkary ikudkau: pidiannau aichipan idiaꞌan suu baydap pygary mixiꞌu Tuminkery, naꞌik in aichipan idiaꞌan ungary, Disu Kristu, pydiyydaniaz imiꞌi baara at.” (John [João] 17:3) Kimixaꞌu chipirara zamatap maꞌuzaka ydaryꞌu kanau. Naꞌap kapam karikeunanyꞌu kakypkary Tuminkery taazuniaz waꞌat taapan nii maꞌuzaka wanhikynyy wadubtan dun kaxaꞌapanaa kidiaꞌu. — Hebrews (Hebreus) 6:19.

Watuminhapnii pabiꞌi kid ymanawyn kidiaꞌu aimeakan, wa aichiap kinha nii kaimenaimen Tuminkery naꞌik waminhaydaꞌychiap kinha nii yryy. Mazan kainhaꞌa zii dirib aimeakan watuminhap kiz ydaꞌy. Pytuminpeꞌazun wyryy daꞌy? Pyparad Yewah Puchurynau tym uu pytykap site www.dan124.com idiaꞌa.