Tuminkery Karichian kian kaxaꞌapannaꞌu manawyn pidiannau maxaapan. (Job [Jó] 14:1) Kai, ipei waynau panadun wadubatapnii kaxaꞌapannaꞌu maxaapkary. Pabiꞌikid pidiannau aunaa in aichipan naꞌapam paxaꞌapatinhan, in itiimen nii kanum kaminkeꞌytaꞌu nii indyan, nii inzaidipan kaimen kidiaꞌu xaꞌapan paꞌat. Naꞌap piabatinpen? Tuminkery Karichian kuwad kainhaꞌa kaimenaꞌu kywai mixiꞌu nii yxaꞌapan, pyꞌat naꞌikim ipei pidiannau at.

• Yewah Tuminkery kuwadnii pakarichian idiaꞌa, yaiapeyznii wamaxaapan kaimen. — Genesis (Gênesis) 1:28.

• Yewah taanii paparadan ytanautan nii diuraz amazada kunaynymaꞌu naꞌik kaimenaꞌu nii. — Isaiah (Isaías) 65:21-25.

• Mixiꞌu nii yxaꞌapan. Tuminkery karichian kian Revelation (Apocalipse) 21:3, 4:

  “Aizii diura daynaꞌan Tuminkery maxaapan niꞌi naa papidiananau tym, naꞌik inhawyꞌu nii ypidianannau nii, naꞌik ynaꞌan nii in tym, naꞌik yryꞌu nii inTuminkeryn nii. Ipeiꞌu nii yinuan in awyn yy kid, aunaꞌu niꞌi naa puwaꞌa pidian maukan, uu kaxaꞌuran, uu zaadayzun uu baiaapan kaziweꞌu. Yxaꞌapanym kayꞌan kiwiichipaꞌuraz uiaꞌu xaꞌapatayzu-kariwei kidiaz mainhaabatkau idiꞌi naa.”

Wyryy kywai aunaa suu kunaynymaꞌu kywai man. Yewah Tuminkery, yryy kamaraipenyꞌu naꞌik maꞌuzkaꞌu manawyn, yxaꞌaptan nii ipei aimeakan wyryy kywai kawan at. Tyryy pimixidian wyryy ykywaa daꞌy. Wyryy kywai maꞌuzakadaꞌu nii pygary, aunaa kiz pykaxadinhan pymaxaapan ai.

PINHIKYNYICHAP PAꞌI: Panadun kainhaꞌa kamuu kid aunaa pyzuway kaimenan, aunaa pydiꞌichipan kainhaꞌa kaimenaꞌu aimeakan, naꞌap wyn kawan kawynyꞌu maꞌuzkaꞌu awary tym yziian atamyn tyykii, mazan atamyn ixitabaꞌy zamatipeꞌuraz dadara imiꞌi diꞌit aunaꞌu nii yduraytan, Tuminkery Paradan naꞌap dadaraꞌu atamyn ixitabaꞌy kawanyꞌu, tyryy ytaapan pygary maꞌuzaka.

NAꞌAPAM TYRYY PYXAꞌAPATINHAN AIZII: Pytuminhap paꞌi kaimenaꞌu kywai daꞌy Tuminkery Karichian diꞌikiꞌu xaꞌapaꞌu niꞌuraz diinheꞌitiꞌi. Yewah Puchurynau kaminkeꞌytan nii naꞌapaꞌu daꞌy. Pyparada in tym pymaxaapkiz ii uu pytykap site jw.org idiaꞌa. *