AICHIPAINHAU TUMINPEN NAꞌAPAꞌURAM YKAXAꞌURAN PIDIANNAU AT INMARAINHAPNII MAUKAN DUN. Dirib kakinhaurii intaaniaz pidiannau at ikudkau Tuminkery Paradan Karichiannaa idiaꞌa. Wyryy kakinhaurii kid kutyaꞌuraz naa ysaadkau, mazan pakawan ykaminkeꞌytan waynau atii kai. Wyryy kakinhaurii aunaa yikudkau bauran karichi kid idiaꞌa, ykaminkeꞌyt pidian kaxaꞌurtinhaꞌuraz pairiben maukan id. Pytykap kakinhaurii Tuminkery Karichian diꞌikiꞌu:

• Wamarainhapniinhau maukainhawyz naa aunaa inpatakaꞌytinhan

  Tuminkery Karichian kian “maukainhau aunaa naa in aichipan aunaa kanum” naꞌik “aunaa naa kanum indiꞌichipan”. (Ecclesiastes [Eclesiastes] 9:5; Psalm [Salmo] 146:4) Yryy id, Tuminkery Karichian kainhaabatan mauwakary naꞌap daꞌaukary kawynyꞌu. — John (João) 11:11, 13.

• Kamarainpenyꞌu Tuminkery maꞌuzakad waynau

  Tuminkery Karichian kian: “Yewah a awynyytap kaimenainhau pidiannau, naꞌik yabat inpixan dun pakaminkeꞌytkau.” (Psalm [Salmo] 34:15) Waturinhap kiz Tuminkery at, aunaa suu wa abatinhap kinha niꞌu man kaimen, mazan wamaunapdin kiz pauwaꞌa zii ydiꞌit, naꞌik ymaꞌuzakadan nii waynau.

• Kaimen kidiaꞌu aimeakan xaꞌapaꞌu nii diinheꞌitiꞌi

  Pidiꞌitinhap naꞌapam nii ymanawynyꞌu kunaykiikery xaꞌapan daꞌaa imiꞌi baaraꞌa, waikudakan dun wamarainhapniinhau tym maukainhawyz naa inkadixitkidkeu dun. Tuminkery Karichian kuwad naꞌapam nii maxaapkary imiꞌi baaraꞌa yryy dun: ‘Tuminkery inuan nii in awyn yy kid, aunaꞌu nii naa pauwaꞌa pidian maukan, uu kaxaꞌuran, uu zaadayzun uu baiaapan kaziweꞌu.’ — Revelation (Apocalipse) 21:3, 4.

Dirib pidiannau mixidiainhawyz Yewah mixiꞌuraz Tuminkery, in ikud maꞌuzakary padubatpan pyꞌy kaxaꞌur kidiaꞌu aimeakan pamarainhapnii maukan dun, inmixidian id inkadixitkidkeu nii pauwaꞌa it. Wyryy kawynyꞌu, 65 wyn Ann mazidyan daynaꞌan, udaiary maukan. Ukian: “Tuminkery Karichian aichiapkid un at, unmarainhapniinhau maukainhawyz naa aunaa inpatakaꞌytinhan, baydap kamuu Tuminkery kadixitkidian nii inhau pauwaꞌa it. Unnhikynyian dun undaiary, unnhikynyian wyryy kaimenaꞌuraz kywai. Kaimenaꞌu kywai Tuminkery Paradan diꞌikiꞌu kaminkeꞌyt ungary undubatpan dun kaxaꞌur kidiaꞌu manawyn.”

Tina kian: “Timo maukan diꞌikiꞌu, un abat kainhaꞌa Tuminkery kaminkeꞌypan ungary dirib aimeakan kid idiaꞌan. Tuminkery Karichian kuwad, baydap kamuu maukainhau kadixitkidkeu nii pauwaꞌa it, aunaa unmamixidkan wyryy kywai xaꞌapan nii. Diuraz kywai maꞌuzakad ungary, pakawan kiz unmixidipan maꞌuzaka atii wyryy kamuu kawan untykpan nii Timo kuxan.”

Dirib pidiannau mixidian wyryy kywai naꞌap uruu kawan. Panaadun kywai kid Tuminkery Karichian idiaꞌuraz kaimenaꞌu manawyn pyꞌat, mazan panadun ikudazuꞌu zyndawynii kawanyꞌu karikeunan. Kaimenaꞌu nii man pydurutan kakinhaurii kid Tuminkery Karichian idiaꞌa piaichiap kinha nii ymixiin uu aunaa? Piaichipan nii Tuminkery Karichian maꞌuzakad pidian kaxaꞌurtinhaꞌuraz pamarainhapnii maukan dun.

Pytykap vídeo kid ydaꞌy an kidiaꞌu site jw.org idiaꞌa

KANUM XAꞌAP PIDIAN MAUKAN DUN?

Tuminkery Karichian kuwad, diinheꞌitiꞌi waikudan nii waminhaydaꞌynau naꞌik wairibennau maukainhawyz naa

Pytykap TUMINHAPKARY TUMINKERY KARICHIAN DAꞌY >KAIMEN KIDIAꞌU NAꞌIK KUNAYKIKERY