“Ungary naꞌik undaiaru Sophia a dubtaꞌuraꞌa naa 39 wyn wamazidyan daynaꞌan, mazan baydap kamuu ukarinhan, kutyaꞌiki ubaitinhan ydaynaꞌan umaukan. Unminhaydaꞌynau maꞌuzkad ungary, karikeunan kainhaꞌa aimeakan waxaꞌaptan niꞌu baukup. Dubat baydap wyn, kaziu un abatinpen ikudazuꞌu pazkun anaꞌu kawynyꞌu un abatan unchutkau. Panaadun kaimen un abatinpen bauran dun aunaa un abatinpen kaimen. Ypyꞌy zii kai idikinhaydaꞌy naa wyn umaukan daynaꞌan, maxaꞌapkiaka unnhikynyy kaxaꞌuraꞌakan kaziweꞌu idiaꞌan.” — Kostas.

Maukaꞌuraꞌa naa pidian pymarainhapnii? Ynaꞌapam an, piaichipan nii naꞌapauram Kostas abatinpen. Pabiꞌinaak kidiaꞌu aimeakan kaxaꞌurdaꞌu wanhikynyy, mazan pidian wamarainhapnii maukan dun, yryy pauwaꞌaꞌu zii ykaxaꞌuran. Pidiannau aichipainhau naꞌapam paxaꞌaptan pidian kaxaꞌuraꞌu ynhikynyy, naꞌap kapam inkian, mauwakary pauwaꞌaꞌu zii ykaxaꞌuran. Karichi psicologia b dayꞌaꞌu, saadkariwez Estados Unidos ii, ykian dirib pidiannau inwaziween dun pamarainhapnii, indiꞌitinpen aunaꞌu nii naꞌapainim in ikudayzun inhau pauwaꞌa it, yryy id tyykii ykaxaꞌurdan innhikynyy. Pidian baitaꞌuraz kaxaꞌuraꞌu, panaadun ydiꞌitinpen: ‘Naꞌapam nii ytuminiꞌikin un abatinpen kaikepaꞌa? Kunaykiaꞌu nii man ungary kuxan baydap kamuu? Kanum kiz unxaꞌapat unkunaykii kiz kuxan?’

Pi ikudan nii piaichipazunii kid karichi Wapukud! kiaꞌu idiaꞌa. Ykuwadan nii naꞌapam dirib pidiannau abatinpen in iriben maukan dun naꞌik kanum kaxaꞌur kidiaꞌu indubtan. Pytykap naꞌapam kiz pyxaꞌapatinhan pykaxaꞌurdpan ai manawyn pinhikynyy.

Marii kiz diuraz karichi maꞌuzakadan pidian kaxaꞌurtinhaꞌuraz ynhikynyy pairiben maukan id.