Genesis 36:1-43
36 Ini an kasaysayan ni Esau, nga amo hi Edom.+
2 Hi Esau nagkuha hin mga asawa tikang ha mga anak nga babaye ha Canaan: hi Ada+ nga anak ni Elon nga Hiteo;+ ngan hi Oholibama+ nga anak ni Anah, nga apo ni Zibeon nga Hivita;
3 ngan hi Basemat+ nga anak ni Ismael, nga bugto nga babaye ni Nebaiot.+
4 Ngan hi Ada nagkaada anak kan Esau nga amo hi Elipaz, ngan hi Basemat nag-anak kan Reuel,
5 ngan hi Oholibama nag-anak kanda Jeus, Jalam, ngan Kora.+
Ini an mga anak nga lalaki ni Esau nga natawo ha tuna han Canaan.
6 Katapos hito, ginkuha ni Esau an iya mga asawa, an iya mga anak nga lalaki, an iya mga anak nga babaye, an ngatanan nga membro* han iya panimalay, an iya panon ngan an ngatanan niya nga iba pa nga hayop, ngan an ngatanan nga karikohan nga iya natirok+ ha tuna han Canaan ngan kinadto hiya ha iba nga lugar nga medyo hirayo ha iya bugto nga hi Jacob.+
7 Tungod kay an ira mga panag-iya nagdamu na hinduro, diri na mahimo nga umukoy hira nga magkaupod, ngan an tuna nga ira gin-uukyan* diri na nakakasustinir ha ira tungod han ira mga panon.
8 Salit hi Esau inukoy ha kabukiran han Seir.+ Hi Esau amo hi Edom.+
9 Ngan ini an kasaysayan ni Esau nga amay han Edom didto ha kabukiran han Seir.+
10 Ini an mga ngaran han mga anak ni Esau: hi Elipaz nga anak ni Ada nga asawa ni Esau; hi Reuel nga anak ni Basemat nga asawa ni Esau.+
11 An mga anak nga lalaki ni Elipaz amo hira Teman,+ Omar, Zepo, Gatam, ngan Kenaz.+
12 Hi Timna nagin babaye ni Elipaz nga anak ni Esau. Paglabay han panahon nagkaada hiya anak kan Elipaz nga amo hi Amalek.+ Hira an mga anak* ni Ada nga asawa ni Esau.
13 Ini an mga anak nga lalaki ni Reuel: hira Nahat, Zera, Sammah, ngan Miza. Ini an mga anak* ni Basemat+ nga asawa ni Esau.
14 Ini an mga anak ni Oholibama nga anak nga babaye ni Anah, nga apo ni Zibeon, nga asawa ni Esau, nga iya mga anak kan Esau: hira Jeus, Jalam, ngan Kora.
15 Ini an mga shik* ha pamilya ni Esau:+ An mga anak ni Elipaz nga suhag ni Esau: hira Shik Teman, Shik Omar, Shik Zepo, Shik Kenaz,+
16 Shik Kora, Shik Gatam, ngan Shik Amalek. Ini nga mga anak ni Elipaz+ amo an mga shik ha tuna han Edom. Ini an mga anak* ni Ada.
17 Ini an mga anak ni Reuel nga anak ni Esau: hira Shik Nahat, Shik Zera, Shik Sammah, ngan Shik Miza. Ini nga mga anak ni Reuel amo an mga shik ha tuna han Edom.+ Ini an mga anak* ni Basemat nga asawa ni Esau.
18 Ngan ini an mga anak ni Oholibama nga asawa ni Esau: hira Shik Jeus, Shik Jalam, ngan Shik Kora. Amo ini an mga shik nga mga anak ni Oholibama nga anak ni Anah, nga asawa ni Esau.
19 Ini an mga anak ni Esau, ngan amo ini an ira mga shik. Hiya hi Edom.+
20 Ini an mga anak ni Seir nga Horita, an mga umurukoy han tuna:+ hira Lotan, Sobal, Zibeon, Anah,+
21 Dison, Ezer, ngan Disan.+ Hira an mga shik han mga Horita, an mga anak ni Seir, ha tuna han Edom.
22 An mga anak ni Lotan amo hira Hori ngan Hemam, ngan an bugto nga babaye ni Lotan amo hi Timna.+
23 Ini an mga anak ni Sobal: hira Alvan, Manahat, Ebal, Sefo, ngan Onam.
24 Ini an mga anak ni Zibeon:+ hira Aia ngan Anah. Ini an Anah nga nakaagi han magpaso nga mga burabod ha kamingawan samtang iya gin-aataman an mga asno han iya tatay nga hi Zibeon.
25 Ini an mga anak ni Anah: hira Dison ngan Oholibama nga anak ni Anah.
26 Ini an mga anak ni Dison: hira Hemdan, Esban, Itran, ngan Keran.+
27 Ini an mga anak ni Ezer: hira Bilhan, Zaavan, ngan Akan.
28 Ini an mga anak ni Disan: hira Uz ngan Aran.+
29 Ini an mga shik han mga Horita: hira Shik Lotan, Shik Sobal, Shik Zibeon, Shik Anah,
30 Shik Dison, Shik Ezer, ngan Shik Disan.+ Ini an mga shik han mga Horita uyon ha ira mga shik ha tuna han Seir.
31 Yana ini an mga hadi nga nagmando ha tuna han Edom+ antes pa nagkaada hin hadi nga nagmando ha mga Israelita.*+
32 Hi Bela nga anak ni Beor naghadi ha Edom, ngan Dinhaba an ngaran han iya syudad.
33 Han namatay hi Bela, nagtikang paghadi kasaliwan niya hi Jobab nga anak ni Zera nga taga-Bozra.
34 Han namatay hi Jobab, nagtikang paghadi kasaliwan niya hi Husam nga tikang ha tuna han mga Temanita.
35 Han namatay hi Husam, hi Hadad nga anak ni Bedad, nga nagpirde han mga Midianita+ ha teritoryo han Moab, nagtikang paghadi kasaliwan niya, ngan Avit an ngaran han iya syudad.
36 Han namatay hi Hadad, nagtikang paghadi kasaliwan niya hi Samla nga taga-Masreka.
37 Han namatay hi Samla, nagtikang paghadi kasaliwan niya hi Shaul nga taga-Rehobot nga hirani ha Salog.
38 Han namatay hi Shaul, nagtikang paghadi kasaliwan niya hi Baal-hanan nga anak ni Acbor.
39 Han namatay hi Baal-hanan nga anak ni Acbor, nagtikang paghadi kasaliwan niya hi Hadar. Pau an ngaran han iya syudad, ngan an ngaran han iya asawa amo hi Mehetabel nga anak ni Matred nga anak nga babaye ni Mezahab.
40 Salit an mga ngaran han mga shik nga nagtikang kan Esau uyon ha ira mga pamilya, uyon ha ira mga lugar amo ini: hira Shik Timna, Shik Alva, Shik Jetet,+
41 Shik Oholibama, Shik Elah, Shik Pinon,
42 Shik Kenaz, Shik Teman, Shik Mibzar,
43 Shik Magdiel, ngan Shik Iram. Ini an mga shik han Edom uyon ha ira mga urukyan ha tuna nga ira gintatag-iya.+ Ini hi Esau nga amay han Edom.+
Mga footnote
^ O “mga kalag.”
^ O “gin-uukyan sugad nga mga dayo.”
^ O “mga apo nga lalaki.”
^ O “mga apo nga lalaki.”
^ An shik usa nga lider han tribo.
^ O “mga apo nga lalaki.”
^ O “mga apo nga lalaki.”
^ Lit., “mga anak nga lalaki ni Israel.”
