Job 9:1-35
9 Hi Job binaton:
2 “Maaram gud ako nga tinuod ito.
Pero paonan-o an mortal nga tawo magigin husto ha usa nga kaso kontra ha Dios?+
3 Kon may tawo nga naruruyag pakiglantugi ha Iya,*+
Diri mababaton hito nga tawo an usa han Iya usa ka yukot nga pakiana.
4 Maaramon an iya kasingkasing ngan gamhanan gud hiya.+
Hin-o an makakaato ha iya ngan diri madadaot?+
5 Nagbabalhin* hiya hin mga bukid nga waray bisan hin-o nga nahibabaro;Iya ito ginbabaliskad tungod ha iya kasina.
6 Iya ginbabay-og an tuna tikang ha hinmumutangan hito,Salit nauuy-og an mga harigi hito.+
7 Iya ginsusugo an adlaw nga diri sumirakNgan gintatabonan an kalamrag han mga bitoon;+
8 Iya ginbibitad an langit nga nag-uusahan la hiya,+Ngan gintatamakan niya an dagku nga mga balud ha dagat.+
9 Iya ginhimo an As,* an Kesil,* ngan an Kima nga mga konstelasyon,*+
Ngan an mga konstelasyon ha sur nga bahin han kalangitan;*
10 Nagbubuhat hiya hin dagku ngan diri matugkad nga mga butang,+Urusahon nga mga butang nga diri maihap.+
11 Nalabay hiya ha akon, ngan diri ko hiya nakikita;Naagi hiya ha akon, pero diri ko hiya nakikilala.
12 Kon may gin-aagaw hiya, hin-o an makakaato ha iya?
Hin-o an makakasiring ha iya, ‘Ano an imo ginbubuhat?’+
13 Diri pupugngan han Dios an iya kasina;+Bisan an mga nabulig ha Rahab*+ mayukbo ha iya.
14 Labi na gud kon bumaton ako ha iyaKinahanglan pilion ko hin maopay an akon mga pulong ha pakiglantugi ha iya!
15 Bisan kon ako pa an husto, diri ako mabaton ha iya.+
Mahimo la ako manginyupo nga kaloy-an ako han akon hukom.*
16 Kon tumawag ako ha iya, babatunon ba niya ako?
Diri ako natuod nga mamamati hiya ha akon tingog,
17 Kay gindudugmok niya ako pinaagi hin bagyoNgan ginpapadamu an akon mga samad hin waray hinungdan.+
18 Diri niya ako gintutugotan nga guminhawa utro;Padayon nga gindudugangan niya an akon mga kasakit.
19 Kon may kalabotan ha gahum, hiya an makusog.+
Kon may kalabotan ha hustisya, nasiring hiya: ‘Hin-o an makakasukmat ha akon?’*
20 Kon husto ako, an akon mismo baba magkukondenar ha akon;Bisan kon tipigan ko an akon integridad,* iya ako ipapahayag nga salaan.*
21 Bisan kon tipigan ko an akon integridad,* waray ako kompyansa ha akon kalugaringon;*
Iginsasalikway ko* ini nga akon kinabuhi.
22 Pariho la ito ngatanan. Amo nga nasiring ako,‘An mga inosente* ngan an magraot parapriho niya ginbubungkag.’
23 Kon an daku nga pagbaha magresulta hin tigda nga kamatayon,Iya tatamayon an kawaray-paglaom han mga inosente.
24 An tuna igintubyan ha magraot;+Iya gintatabonan an mga mata* han mga hukom hito.
Kon diri hiya an nagbubuhat hito, hin-o man?
25 Yana an akon mga adlaw mas malaksi kay ha paradalagan;+Napalagiw ito nga diri nakakakita hin kaopayan.
26 Malaksi ito nga nalabay pariho hin mga baluto nga tangbo,Pariho hin mga agila nga malaksi nga nagtitipaubos ngadto ha daragiton hito.
27 Kon sumiring ako, ‘Kakalimtan ko an akon reklamo,Babag-uhon ko an akon pamahongpahong ngan magigin malipayon,’
28 Mahahadlok la gihapon ako tungod han ngatanan ko nga kasakit,+Ngan maaram ako nga diri mo ako huhunahunaon nga inosente.
29 Huhunahunaon ako nga salaan.*
Salit kay ano nga mangangalimbasog pa ako nga waray man la ito hingangadtoan?+
30 Kon kumarigo ako ha tubig nga tikang ha natutunaw nga niebe,Ngan limpyohan ko an akon mga kamot hin lihiya,*+
31 Imo ako itutunlob ha mahugaw nga buho,Salit magigin mangil-ad ako bisan ha akon mismo mga bado.
32 Kay diri hiya tawo nga pariho ha akon nga mababaton ko hiya,Nga magkukomprontahay kami ha korte.+
33 Kay waray tawo nga magdidesisyon ha butnga namon,*Nga magigin amon hukom.*
34 Kon umundang hiya ha pagbinalbag ha akon*
Ngan diri niya itugot nga hadlukon ako han iya makaharadlok gud nga mga butang,+
35 Makikiistorya ako ha iya nga diri nahahadlok,Kay diri ko kinaiya nga makiistorya nga nahahadlok.
Mga footnote
^ O “pagdara ha Iya ha korte.”
^ O “Nagtatanggal.”
^ Posible nga an Daku nga Oso nga konstelasyon (Ursa Major).
^ Lit., “an sulod nga mga kwarto ha sur.”
^ Posible nga an Pleiades nga mga bitoon ha Taurus nga konstelasyon.
^ Posible nga an Orion nga konstelasyon.
^ Posible nga usa nga daku gud nga linarang ha dagat.
^ O posible nga “akon kakontra ha korte.”
^ Lit., “makakapatawag ha akon?”
^ O “Bisan kon inosente ako.”
^ Lit., “diri matadong.”
^ O “Bisan kon inosente ako.”
^ O “diri ko kilala an akon kalag.”
^ O “Gintatamay ko; Diri ko ginkakarawat.”
^ O “An mga nagtitipig hin integridad.”
^ Lit., “mga nawong.”
^ Lit., “maraot.”
^ O “sabon.” An klase nga hinimo ha abo.
^ O “waray tagapamutnga ha amon.”
^ Lit., “magbubutang han iya kamot ha amon nga duha.”
^ Lit., “kuhaon niya an iya tungkod tikang ha akon.”
