Micas 7:1-20
7 Kairo ko! Pariho ako hin tawo nga,Katapos han panirok han prutas ha katpaso
Ngan han panguha han salin kahuman han pangani han mga ubas,Waray nabibilngan nga urapong han ubas basi makaon,Waray una nga bunga han igos nga akon ginhihingyap.*
2 An maunungon napoo* tikang ha tuna;Dida ha mga tawo waray bisan usa nga matadong.+
Hira ngatanan nag-aambus basi magpatay.*+
Gindadakop han kada tagsa an iya mismo bugto pinaagi hin pukot.
3 An ira mga kamot eksperto ha pagbuhat hin maraot;+An prinsipe may mga gin-aaro,An hukom nangangaro hin balos,+An prominente nga tawo nagpapahayag han iya mga hingyap,*+Ngan magkaurupod hira ha pagbuhat hito.*
4 An pinakamaopay ha ira pariho han katunokan,An matadong gud ha ira mas maraot pa han tanom nga tunukon.
Maabot an adlaw han imo mga bantay ngan han pagsirot ha imo.+
Yana malilisang hira.+
5 Ayaw pagtuod ha iyo kaupod
O pagsarig ha duok nga sangkay.+
Pagbantay han iyo ginsisiring ha iyo ginhahangkopan.
6 Kay an anak nga lalaki nagtatamay han iya tatay,An anak nga babaye naato ha iya nanay,+Ngan an umagad nga babaye nakontra ha iya ugangan nga babaye;+An mga kaaway han usa nga tawo amo an mga tawo ha iya panimalay.+
7 Pero para ha akon, padayon ako nga magbabantay kan Jehova.+Mapailubon ako nga maghuhulat* ha Dios nga nagtatalwas ha akon.+
An akon Dios mamamati ha akon.+
8 Ayaw pagrayhak tungod ha akon, O akon kaaway.*
Bisan kon natumba ako, mabuhát ako;Bisan kon naukoy ako ha kasisidman, hi Jehova an akon magigin kalamrag.
9 An kapungot ni Jehova akon iilubon
—Kay nakasala ako ha iya+—
Tubtob nga depensahan niya an akon kaso ngan magpadapat hin hustisya para ha akon.
Igagawas niya ako ngadto ha kalamrag;Magkikita ako han iya pagkamatadong.
10 An akon kaaway makakakita liwat,Ngan maaalohan hiya nga nagsiring ha akon:
“Hain hi Jehova nga imo Dios?”+
An akon mga mata masiplat ha iya.
Yana pagtatamak-tamakan hiya pariho hin lapok ha mga kalye.
11 Magigin adlaw ito ha pagtukod han imo mga pader nga bato;Hito nga adlaw an tubtoban pahahaluagon.*
12 Hito nga adlaw makada hira ha imo
Tikang didto ha Asirya ngan ha mga syudad han Ehipto,Tikang ha Ehipto tubtob ngadto ha Salog;*
Tikang ha usa nga dagat ngadto ha lain nga dagat ngan tikang ha usa nga bukid ngadto ha lain nga bukid.+
13 Ngan an tuna magigin binayaan tungod han mga umurukoy hito,Sugad nga resulta han ira ginbuhat.*
14 Atamana an imo katawohan pinaagi han imo tungkod, an panon ha imo panurundon,+Hiya nga naukoy nga nag-uusahan ha kagurangan—ha butnga han kakahoyan.
Pakaona hira ha Basan ngan Gilead+ pariho ha mga adlaw nga maiha na nga naglabay.
15 “Pariho ha mga adlaw han ginawas ka ha tuna han Ehipto,Ipapakita ko ha iya an urusahon nga mga butang.+
16 An mga nasud makakakita ngan maaawod bisan pa han ira pagkagamhanan.+
Itatak-om nira an ira kamot ha ira baba;An ira mga talinga mabubungol.
17 Magdidila hira han tapotapo pariho han mga halas;+Pariho han mga reptilya ha tuna magawas hira nga nangungurog tikang ha ira mga balwarte.
Nalilisang hira nga makadto kan Jehova nga aton Dios,Ngan mahahadlok hira ha imo.”+
18 Hin-o an Dios nga pariho ha imo,Nagpapasaylo han sayop ngan nagpapasensya han pagtalapas+ han nahisalin han iya panurundon?+
Diri hiya masisina ha kadayonan,Kay nalilipay hiya ha maunungon nga gugma.+
19 Magpapakita na liwat hiya hin kalooy ha aton;+ iya dadaugon* an aton mga sayop.
Imo iglalabog ngadto ha kahiladman han dagat an ngatanan nira nga sala.+
20 Magpapakita ka hin pagkamaunungon kan Jacob,Maunungon nga gugma kan Abraham,Sugad han imo iginpanumpa ha amon mga kaapoy-apoyan ha mga adlaw nga maiha na nga naglabay.+
Mga footnote
^ O “nga ginhihingyap han akon kalag.”
^ O “nawara.”
^ Lit., “magpaagay hin dugo.”
^ O “han ginhihingyap han iya kalag.”
^ Lit., “magkaurupod hira ha paglara hito.”
^ O “Andam ako maghulat.”
^ Ha Hebreo, an gin-gamit nga pulong para ha “kaaway” nagpapasabot hin babaye.
^ O posible nga “an sugo magigin hirayo.”
^ Karuyag sidngon, an Eufrates.
^ Lit., “Tungod han bunga han ira mga buhat.”
^ O “tatamaktamakan; pipirdihon.”
