Mga Salmo 115:1-18
115 Diri ha amon, O Jehova, diri ha amon,*Lugod ha imo ngaran paghatag hin himaya+Tungod han imo maunungon nga gugma ngan han imo pagkamatinumanon.+
2 Kay ano nga an mga nasud masiring:
“Hain an ira Dios?”+
3 An amon Dios aadto ha langit;Ginbubuhat niya an bisan ano nga iya karuyag.
4 An ira mga idolo silber ngan bulawan,Ginhimo han mga kamot han tawo.+
5 May baba hira, pero diri hira nakakayakan;+May mga mata, pero diri hira nakakakita;
6 May mga talinga hira, pero diri hira nakakabati;May irong, pero diri hira nakakahamot;
7 May mga kamot hira, pero diri hira nakakaabat;May mga tiil, pero diri hira nakakalakat;+Waray tingog nga nagawas ha ira but-ol.+
8 An mga tawo nga naghihimo ha ira magigin pariho ha ira,+Sugad man an ngatanan nga nasarig ha ira.+
9 O Israel, sarig kan Jehova+—Hiya an nabulig ha ira ngan an ira taming.+
10 O panimalay ni Aaron,+ sarig kan Jehova—Hiya an nabulig ha ira ngan an ira taming.
11 Kamo nga may kahadlok kan Jehova, sarig kan Jehova+—Hiya an nabulig ha ira ngan an ira taming.+
12 Hi Jehova nahinunumdom ha aton ngan magbibendisyon;Iya bibendisyonan an panimalay ni Israel;+Iya bibendisyonan an panimalay ni Aaron.
13 Iya bibendisyonan an mga may kahadlok kan Jehova,An mga ubos sugad man an mga prominente.
14 Padadamuon kamo ni Jehova,Kamo ngan an iyo mga anak.*+
15 Hinaot bendisyonan kamo ni Jehova,+Hiya nga naghimo han langit ngan tuna.+
16 Mahitungod han mga langit, hi Jehova an tag-iya hito,+Pero an tuna iginhatag niya ha mga anak han mga tawo.+
17 An mga patay diri nagdadayaw kan Jah;+Diri liwat ito mahihimo han bisan hin-o nga nahingangadto ha kamatayon.*+
18 Pero dadayawon namon hi JahTikang yana tubtob ha kadayonan.
Dayawa hi Jah!*
Mga footnote
^ O “Waray kami hin bisan ano, O Jehova, waray kami hin bisan ano.”
^ Lit., “mga anak nga lalaki.”
^ Lit., “ngadto ha mamingaw.”
^ O “Hallelujah!” “Jah” an ginpahalipot nga porma han ngaran nga Jehova.
