Mga Salmo 139:1-24
Para ha direktor. Salmo ni David. Usa nga kanta.
139 O Jehova, imo ako gin-usisa, ngan nakilala ka ha akon.+
2 Maaram ka kon nalingkod ako ngan kon nabuhát ako.+
Nasasabtan mo an akon mga panhunahuna tikang ha hirayo.+
3 Gin-oobserbaran* mo ako kon nagbibiyahe ako ngan kon nahigda ako;Maaram ka han ngatanan ko nga dalan.+
4 Waray pa usa nga pulong ha akon dila,Pero kitaa! O Jehova, maaram ka na gud hito.+
5 Ha akon luyo ngan ha akon atubangan, imo ako ginlilibotan;Ngan imo igintutungbaw an imo kamot ha akon.
6 An sugad hito nga kahibaro diri ko nasasabtan.*
Hitaas ito hinduro nga diri ko ito naaabot.*+
7 Ngain ako makakapalagiw tikang ha imo espiritu,Ngan diin ako makakatago nga diri mo ako makikita?+
8 Kon masaka ako ha langit, aadto ka,Ngan kon maglatag ako han akon higdaan ha Lubnganan,* kitaa! aadto ka.+
9 Kon malupad ako pinaagi han mga pako han maagahon
Basi umukoy ha ligid han pinakahirayo nga dagat,
10 Bisan didto an imo kamot magtutugway ha akonNgan kakaptan ako han imo too nga kamot.+
11 Kon ako sumiring: “Sigurado nga tatagoon ako han kasisidman!”
Kon sugad, an gab-i ha akon palibot magigin kalamrag.
12 Bisan an kasisidman diri magigin masirom hinduro para ha imo,Lugod an gab-i magigin sugad kapawa han adlaw;+An kasisidman pariho han kalamrag para ha imo.+
13 Kay ikaw an naghimo han akon mga kidney;Imo ako ginsalipdan* ha tagoangkan han akon nanay.+
14 Gindadayaw ko ikaw kay ha urusahon gud nga paagi maopay hinduro an pagkahimo ha akon.+
An imo mga buhat mag-opay hinduro,+Maaram gud ako* hini.
15 An akon mga tul-an waray matago tikang ha imoHan ginhimo ako ha tago,Han ginturugkop ako ha kahiladman han tuna.+
16 An imo mga mata nakakita ha akon han nakadto pa ako ha tagoangkan;An ngatanan nga parte han akon lawas iginsurat ha imo libro
May kalabotan han mga adlaw nga ginporma ito,Antes pa umeksister an bisan hain hito.
17 Salit presyoso gud ha akon an imo mga panhunahuna!+
O Dios, damu hinduro ito ngatanan!+
18 Kon sasarihan ko ito pag-ihap, mas damu pa ito kay han mga baras.+
Ha akon pagmata, kaupod ko la gihapon ikaw.*+
19 O Dios, kon imo la unta papatayon an magraot!+
An mga tawo nga madarahog* mapahirayo ha akon,
20 An mga nagyayakan kontra ha imo nga may maraot nga motibo;*Hira an imo mga kaaway nga nagamit han imo ngaran ha waray pulos nga paagi.+
21 O Jehova, diri ba nangangalas ako ha mga nangangalas ha imo,+Ngan napupungot ha mga nagrirebelde ha imo?+
22 Nangangalas gud ako ha ira;+Nagin tinuod nga mga kaaway ko hira.
23 O Dios, usisaha ako, ngan hibaroi an sulod han akon kasingkasing.+
Usisaha ako, ngan hibaroi an akon nababaraka* nga mga panhunahuna.+
24 Kitaa kon may-ada ha akon bisan ano nga magigin hinungdan nga maglakat ako ha peligroso nga dalan,+Ngan tugwayi ako+ ha dalan han kadayonan.
Mga footnote
^ Lit., “Gin-uusisa.”
^ O “urusahon gud para ha akon.”
^ O “Diri ko gud ito natutugkad.”
^ O posible nga “ginturugkop.”
^ O “An akon kalag maaram gud.”
^ O posible nga “mag-iinihap la gihapon ako hito.”
^ O “salaan ha dugo.”
^ O “sumala ha ira ideya.”
^ O “diri namumurayaw.”
