Sugad la nga gin-organisar ni Jehova an mga Israelita hadto, gin-oorganisar niya an iya katawohan yana ha pagbuhat ha iya kaburut-on. Ha bug-os nga kalibotan, gin-organisar an mga sanga nga opisina, sirkito, kongregasyon, ngan grupo ha pagsangyaw basi maipasamwak an maopay nga sumat. Ginsasangyawan naton an ngatanan, pati na adton nagyayakan hin iba nga yinaknan.​—Pah 14:6, 7.

Nahunahuna mo na ba nga mag-aram hin iba nga yinaknan basi mabuligan an iba nga mahibaro han kamatuoran? Bisan kon waray ka panahon nga mag-aram hin bag-o nga yinaknan, puydi mo gamiton an JW Language nga app basi mag-aram hin simple nga mga presentasyon. Katapos, kon gagamiton mo ito ha ministeryo, mahimo mo maeksperyensyahan an gin-abat han siyahan-siglo nga mga Kristiano. Nalipay hira han an mga tawo tikang ha iba nga mga lugar nakabati han “urusahon nga mga buhat han Dios” ha ira kalugaringon nga yinaknan.​—Bu 2:7-11.

KITAA AN VIDEO NGA MAGIN SANGKAY NI JEHOVA​—PAGSANGYAW HA MGA TAWO NGA IBA AN YINAKNAN, NGAN BATONA AN MASUNOD:

• San-o mo puydi gamiton an JW Language nga app?

• Ano an pipira nga feature hito?

• Ano nga mga yinaknan an ginagamit han mga tawo ha iyo teritoryo?

• Ano an imo angay buhaton kon iba an yinaknan han usa nga interesado han mensahe han Ginhadian?​—od 100-101 ¶39-41