Hi Jeremias ginsugo nga pahamangnoan an mga Judio ha tiarabot nga kabungkagan tungod kay nahingalimot hira ha ira Dios nga hi Jehova. (Jer 13:25) Kay ano nga nagin sugad kamakasurubo an espirituwal nga kahimtang han nasud? An Israelita nga mga pamilya nagluya ha espirituwal. Matin-aw nga an mga ulo han pamilya diri na nasunod han instruksyon ni Jehova ha Deuteronomio 6:5-7.

An mga pamilya nga marig-on an espirituwalidad nakakabulig ha karig-on han aton mga kongregasyon yana. Mahimo buligan han mga ulo han pamilya an ira pamilya nga mahinumdom kan Jehova pinaagi han regular ngan mapulsanon nga Pagsingba han Pamilya. (Sal 22:27) Katapos kitaon an video nga Ini nga mga Pulong Kinahanglan Maisilsil ha Imo Kasingkasing—Interbyu ha mga Pamilya, batona ini nga mga pakiana:

• Paonan-o nalamposan han pipira nga pamilya an komon nga mga ulang ha Pagsingba han Pamilya?

• Ano an pipira nga bendisyon han regular ngan mapulsanon nga Pagsingba han Pamilya?

• May kalabotan ha Pagsingba han Pamilya, ano nga mga ulang an akon gin-aatubang, ngan ano an akon plano himoon basi malamposan ito?